କୋଟିପତି ଭିକାରିଙ୍କ ୩ ପତ୍ନୀ, ଦିନକୁ ରୋଜଗାର ୧୨୦୦ ଟଙ୍କା

beggar

ରାଞ୍ଚି: ସାଧାରଣତଃ ଭିକାରିମାନେ ବିଭିନ୍ନ ମନ୍ଦିର, ରେଳ ଷ୍ଟେସନ ଓ ବସ୍‌ ଷ୍ଟାଣ୍ଡ୍‌ରେ ବସି ଭିକ ମାଗୁଥିବା ଦେଖିଥିବେ ନିଶ୍ଚୟ। ଆଉ ସେମାନଙ୍କୁ ଦେଖିଲେ ମନ ଭିତରେ ଦୟାଭାବ ଆସିଥାଏ। ଆମେ ତାକୁ ଟଙ୍କେ କି ଦୁଇ ଟଙ୍କା ଦେଇ ଚାଲି ଯାଉଥାଉ। ହେଲେ ଆଜି ଆମେ ଆପଣଙ୍କୁ ଏପରି ଜଣେ ଭିକାରି ସମ୍ପର୍କରେ କହିବୁ ଶୁଣିବା ମାତ୍ରେ ଆଶ୍ଚର୍ଯ୍ୟ ହୋଇଯିବେ।

ଝାଡ଼ଖଣ୍ଡର ଛେଟୁ ବରଇ। ବୟସ ୪୦ । ଭିକ ମାଗି ସେ ଗୋଟିଏ ବର୍ଷରେ ୪ ଲକ୍ଷ ଟଙ୍କା ରୋଜଗାର କରନ୍ତି । ନା ଦେବାକୁ ପଡ଼େ ଟ୍ୟାକ୍ସ ନା କଟେ ପିଏଫ। ପ୍ରତିମାସରେ ଛେଟୁ ୩୦ ହଜାର ଟଙ୍କା ରୋଜଗାର କରିଥାନ୍ତି। ତାଙ୍କର ବ୍ୟବସାୟ ଏତିକିରେ ସମୀତ ନାହିଁ। ସେ ଏକ କମ୍ପାନୀର ପର୍ସନାଲ କ୍ୟାୟର ପ୍ରଡକ୍ଟ ମଧ୍ୟ ବିକ୍ରି କରନ୍ତି। ଏହାସହିତ ଲୋକଙ୍କୁ ଏହି କମ୍ପାନୀର ସଦସ୍ୟ ବି କରନ୍ତି।  ଛେଟୁଙ୍କ ଘରେ ତିନୋଟି ପତ୍ନୀ ମଧ୍ୟ ଅଛନ୍ତି। ସେମାନେ ମଧ୍ୟ ଭିକ ମାଗି ଛେଟୁଙ୍କୁ  ଟଙ୍କା ପଇସା ଦେଇଥାଆନ୍ତି। ଛେଟୁ କହିଛନ୍ତି,“ ମୁଁ ପ୍ରତିଦିନ ଭିକ ମାଗି ୧୦୦୦-୧୨୦୦ ଟଙ୍କା ପାଇଥାଏ। ଯାହା ବର୍ଷକ ମଧ୍ୟରେ ୪ ଲକ୍ଷ ଟଙ୍କା ରୋଜଗାର ହୋଇଥାଏ।”

Previous ArticleNext Article

Send this to a friend