ମିନିଭ୍ୟାନକୁ ପିଟିଲା ଟ୍ରକ୍‌: ଚାଲିଗଲା ୧୦ ଜୀବନ

ସମ୍ୱଲପୁର: ଠାକୁରଙ୍କୁ ଦର୍ଶନ ସାରି ଘରକୁ ଫେରୁଥିଲେ। ହେଲେ ଘରେ ପହଞ୍ଚି ପାରିଲେ ନାହିଁ। ଯମ ହୋଇ ମାଡ଼ି ଆସିଲା ଟ୍ରକ୍‌। ୧୦ ଜଣଙ୍କୁ ନେଇଗଲା। ଏବେ ୪ ଜଣ ଗୁରୁତର ଆହତ ହୋଇ ମେଡ଼ିକାଲରେ ଭର୍ତ୍ତି ହୋଇଛନ୍ତି। ଆହତଙ୍କ ମଧ୍ୟରେ ଜଣେ ମହିଳା ଓ ୩ ଜଣ ନିଷ୍ପାପ ଶିଶୁ ଅଛନ୍ତି।

ଆଜି ସୋମବାର। ସେଥିପାଇଁ ପରମାଣପୁର ବାରଡୁଙ୍ଗୁରୀ ଅଞ୍ଚଳର ୧୪ ଜଣ ଲୋକେ ଏକ ମିନିଭ୍ୟାନ(ମହିନ୍ଦ୍ରା ମେକ୍ସିମା)ରେ ହାତୀବାରି କଳ୍ପେଶ୍ୱର ଶିବ ମନ୍ଦିରକୁ ପୂଜା କରିବାକୁ ଯାଇଥିଲେ। ମହାପ୍ରଭୁ ଶିବଙ୍କୁ ଦର୍ଶନ କରି ହସଖୁସିରେ ଘରକୁ ଫେରୁଥିଲେ। ତେବେ ଜାତୀୟ ରାଜପଥର-୫୫ ର ଭବାନୀପାଲି ନିକଟରେ ସମ୍ମୁଖରୁ ଆସୁଥିବା ଏକ ଟ୍ରକ୍‌ ଟାଟା ଭ୍ୟାନକୁ ଧକ୍କା ଦେଇଥିଲା। ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ସଦର ମେଡ଼ିକାଲରେ ୭ ଜଣଙ୍କ ମୃତ୍ୟୁ ହୋଇଥିଲା। ତେବେ ଅନ୍ୟ ୪ ଜଣଙ୍କୁ ଗୁରୁତର ଅବସ୍ଥାରେ ବୁର୍ଲା ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି।

ଏହି ଦୁର୍ଘଟଣାରେ ମୃତକଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସହାୟତା ଘୋଷଣା କରିଛନ୍ତି। ମୃତକଙ୍କ ପରିବାରକୁ ଦୁଇ ଲକ୍ଷ ଟଙ୍କା ଓ ଆହତଙ୍କ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ।

Previous ArticleNext Article

Send this to a friend