ଲୋକଙ୍କ ହୃଦୟ ଜିତୁଛି ଟୁ ସିଟେଡ୍‌ ମିନି କାର୍: ଭିଡିଓରେ ଦେଖନ୍ତୁ ଏହାକୁ ବନାଇଥିବା ଛାତ୍ରଙ୍କ ଅନୁଭୂତି

ବଲାଙ୍ଗିର (ସସ୍ମିତା ସାହୁ): ବଲାଙ୍ଗିର ସହରର ରାସ୍ତାରେ ଗଡୁଥିବା ଟୁ ସିଟେଡ୍‌ ମିନି କାର୍ ସମ୍ପର୍କରେ ଆମେ କହିଥିଲୁ। ନିଜର ଅକ୍ଲାନ୍ତ ପରିଶ୍ରମରେ ଏହି ମିନି କାର୍ ତିଆରି କରିଛନ୍ତି ସରକାରୀ ପଲିଟେକନିକର ଛାତ୍ରମାନେ। ପାଠ୍ୟକ୍ରମରେ ଥିବା ପ୍ରୋଜେକ୍ଟରେ ଏକ ମିନି କାର୍ କରିବାକୁ ଶେଷ ବର୍ଷର ୩୦ ଜଣ ଛାତ୍ର ମନସ୍ତ କରି ସ୍ୱପ୍ନକୁ ସାକାର କରିଛନ୍ତି। ଏଥିପାଇଁ ସେମାନେ ପ୍ୟାଲେସ ଲାଇନ ପଡାର ଅଟୋ ମୋବାଇଲ୍‌ ଇଂଜିନିୟର ରାହୁଲ ପାଢ଼ିଙ୍କ ସାହାଯ୍ୟ ବି ନେଇଥିଲେ। ରୋଡ଼କୁ ଆସିବା ପରେ ଏବେ ଏହି କାର ସହରବାସୀଙ୍କ ମନ ଜିଣିବାରେ ଲାଗିଛି। ଆଗକୁ ଛାତ୍ରମାନେ ଏହାକୁ ୪ଟି ସିଟ୍‌ ବିଶିଷ୍ଟ କରିବାକୁ ଯୋଜନା ରଖିଛନ୍ତି। ଯଦି ସେମାନଙ୍କ ଯୋଜନା ସାକାର ହୋଇଗଲା, ତେବେ ବହୁତ କମ୍‌ ମୂଲ୍ୟରେ ଏହାକୁ ଚଲାବାର ସୁବିଧା ଲୋକେ ପାଇ ପାରିବେ।

ବର୍ତ୍ତମାନ କାରଟିରେ ଦୁଇଟି ସିଟ୍‌ ରହିଛି। ମାତ୍ର ୫୦ ହଜାର ଟଙ୍କାରେ ଛାତ୍ରମାନେ ଏହାକୁ ରୂପ ଦେଇଛନ୍ତି। ଏହାର ମୂଲ୍ୟ ସବୁ ବର୍ଗ ଅର୍ଥାତ ଗରିବ, ମଧ୍ୟବିତ୍ତ ଓ ଧନୀଙ୍କୁ ସୁହାଇବା ଭଳି ହୋଇଛି। ନିଜ କାରରେ ଚଢ଼ି ବୁଲିବାର ସ୍ୱପ୍ନ ଦେଖୁଥିବା ଓ ପାଖରେ କାର କିଣିବାକୁ ଲକ୍ଷ ଲକ୍ଷ ଟଙ୍କା ନଥିବା ଲୋକେ ଏହାକୁ କିଣି ପାରିବେ।

ବଲାଙ୍ଗିର ସହରର ଏହି ଛାତ୍ରମାନଙ୍କୁ ଏବେ ଚାରିଆଡୁ ମିଳିବାରେ ଲାଗିଛି ପ୍ରଶଂସା। ଏହି ଅବସରରେ ଓଡ଼ିଶା ରିପୋର୍ଟର ପ୍ରତିନିଧି ଛାତ୍ରମାନଙ୍କୁ ଭେଟି କାର ନିର୍ମାଣର ଅନୁଭୂତି ଓ ପାରିଶ୍ରମ ବିଷୟରେ ପଚାରି ବୁଝିଥିଲେ।

କାରଟିକୁ ବନାଇବାକୁ କେତେ ପରିଶ୍ରମ କରିବାକୁ ପଡ଼ିଥିଲା ? ଏହାକୁ ବନାଇବା ପାଇଁ କେଉଁ ପାର୍ଟ୍ସ, କେଉଁଠୁ ଆଣିଥିଲେ ? କେତେ ଦିନର ପରିଶ୍ରମ ପରେ ସେମାନଙ୍କ ପ୍ରୋଜେଟ ସଫଳ ହୋଇଥିଲା ଆଦି ବିଷୟରେ କ’ଣ କହୁଛନ୍ତି ଛାତ୍ରମାନେ ସେମାନଙ୍କ ମୁହଁରୁ ଶୁଣିବାକୁ କ୍ଲିକ କରନ୍ତୁ ଏହି ଭିଡିଓ ଉପରେ।

Previous ArticleNext Article

Send this to a friend