ଅଙ୍କଲ ସାଜିଲେ ସୋସିଆଲ୍‌ ମିଡିଆ ସେନ୍‌ସେସନ୍‌

uncle

ଆଜିର ଯୁଗ ହେଉଛି ସୋସିଆଲ୍‌ ମିଡିଆର ଯୁଗ। ଆଉ ଏହି ସୋସିଆଲ ମିଡିଆ ମାଧ୍ୟମରେ ଜଣେ ସାଧାରଣ ମଣିଷ ନିଜ ଦକ୍ଷତା ଦେଖାଇ ରାତା ରାତି ଷ୍ଟାର ହୋଇପାରୁଛି। ସେ ପ୍ରିୟା ପ୍ରକାଶ ହୁଅନ୍ତୁ କି ଢିନ୍‌ଚାକ୍‌ ପୂଜା ହୁଅନ୍ତୁ। ଏଭଳି ଅନେକ ଉଦାହରଣ ଆମେ ଦେଖିସାରିଛେ। ଏବେ ପୁଣି ଜଣେ ବ୍ୟକ୍ତି ସୋସିଆଲ୍  ମିଡିଆ  ସେନ୍‌ସେସନ୍‌  ପାଲଟି ଯାଇଛନ୍ତି। ସେ ଅଙ୍କଲ ନାମରେ ଛାଇ ଯାଇଛନ୍ତି।

ତାଙ୍କର ଏମିତି ସବୁ ଡ୍ୟାନ୍ସ ଭିଡିଓ ଭାଇରାଲ ହୋଇଛି  ଯାହାକୁ ପ୍ରଶଂସା ନକରି ଆପଣ ରହିପାରିବେନି। ତାଙ୍କ ଡ୍ୟାନ୍ସ ଭିଡିଓ ଭାଇରାଲ ହେବା ପରେ ଲକ୍ଷ ଲକ୍ଷ ଲୋକ ଦେଖିବା ସହ ପସନ୍ଦ ବି କରିଛନ୍ତି। ଅନେକ ତାଙ୍କ ନାଚକୁ ଗୋବିନ୍ଦାଙ୍କ ନାଚ ସହ ତୁଳନା କରିଛନ୍ତି। ଏବେ ଚାରିଆଡେ ତାଙ୍କର ଚର୍ଚ୍ଚା। ପ୍ରଥମେ ସେ ଫିଲ୍ମ ‘ଖୁଦ୍‌ ଗର୍ଜ’ ଗୀତ ‘ଆପ୍‌ କେ ଆ ଜାନେ ସେ’ରେ ଡ୍ୟାନ୍ସ କରିଥିଲେ। ତାଙ୍କର ସେହି ନାଚ ଭିଡିଓ ଗୋଟିଏ ଦିନରେ ଲକ୍ଷ ଲକ୍ଷ ଲୋକ ପସନ୍ଦ କରି ସେୟାର କରିଥିଲେ।

ଏମିତି କି ଓଡ଼ିଆ ଆଇଏଏସ୍‌ ଅଫିସର  ଅରବିନ୍ଦ ପାଢ଼ି ମଧ୍ୟ ଭିଡିଓଟିକୁ ଦେଖି ଟ୍ୱିଟ୍‌ କରି ପ୍ରଶଂସା କରିଥିଲେ। ସେ ଭିଡିଓଟିକୁ ତିନିଥର ଦେଖିଥିଲେ ବୋଲି ଲେଖିଥିଲେ। ସେ ଆହୁରି ଲେଖିଥିଲେ ଯେ ଯିଏ ଏ ଭିଡିଓକୁ ଥରେ ଦେଖିବ ସେ ଆଉ ଥରେ ନ ଦେଖି ରହି ପାରିବନାହିଁ।
ଏବେ ଅଙ୍କଲଙ୍କର ଆଉ ଏକ ଭିଡିଓ ସାମ୍ନାକୁ ଆସିଛି।  ଏଥିରେ ସେ ‘ଚଢ୍‌ତି ଜୱାନୀ’ ଗୀତରେ ଡ୍ୟାନ୍ସ କରିଛନ୍ତି।  ଏହି ଭିଡିଓ ସେହି ପାର୍ଟିର ଯେଉଁଥିରେ ସେ ପ୍ରଥମ ପରଫର୍ମାନ୍ସ ଦେଇଥିଲେ।

ପୂର୍ବ ଭିଡିଓରେ ଅଙ୍କଲ ପୂରା ଜମେଇକି ଡ୍ୟାନ୍ସ କରୁଥିବା ବେଳେ ଆଣ୍ଟି ଅଳ୍ପ ନାଚୁଥିଲେ।  କିନ୍ତୁ ଏବେ ଭାଇରାଲ୍ ଭିଡିଓରେ ଆଣ୍ଟି ବି ଡ୍ୟାନ୍ସ କରି ଅଙ୍କଲଙ୍କ ପୂରା ସାଥ୍‌ ଦେଇଛନ୍ତି।  ସାମ୍ନାରେ ବସିଥିବା ସାଙ୍ଗସାଥୀ ଓ ସମ୍ପର୍କୀୟ ତାଙ୍କ ନୃତ୍ୟକୁ ଖୁବ୍‌ ପସନ୍ଦ କରିବା ସହ ଭିଡିଓ ବି କରିଥିଲେ।  ସୋସିଆଲ୍‌ ମିଡିଆରେ ତାଙ୍କ ଡ୍ୟାନ୍ସ ଭିଡିଓ ଭାଇରାଲ ହେବା ପରେ ଖୁବ୍‌ ପସନ୍ଦ କରାଯାଇଛି। ଚାରିଆଡୁ ପ୍ରଶଂସାର ସୁଅ ଛୁଟୁଛି।

ଅଙ୍କଲଙ୍କ ପରିଚୟ
ଏକ ଟ୍ୱିଟ୍‌ରୁ ଜଣାପଡ଼ିଛି ଯେ ତାଙ୍କ ନାଁ ସଞ୍ଜୀବ ଶ୍ରୀ ବାସ୍ତବ। ସେ ଭାବା ବିଶ୍ୱବିଦ୍ୟାଳୟରେ ପ୍ରଫେସର ଅଛନ୍ତି।  ତାଙ୍କ ନିଜ ଘର ବି ଭିଦିଶା ସହରରେ।

ଦେଖନ୍ତୁ ଅଙ୍କଲଙ୍କ ଦ୍ୱିତୀୟ ଭିଡିଓ

ଦେଖନ୍ତୁ ଅଙ୍କଲଙ୍କ ପ୍ରଥମ ଭିଡିଓ

 

 

Previous ArticleNext Article

Send this to a friend