୭ଦଫା ଦାବିରେ ଠିକା ଶ୍ରମିକଙ୍କ ବିକ୍ଷୋଭ

ପାରାଦୀପ: ପାରାଦ୍ୱୀପ ଆଇଓସିଏଲ୍‌ରେ ଶ୍ରମିକ ଅଶାନ୍ତି।  ୭ଦଫା ଦାବିରେ ଠିକା ଶ୍ରମିକଙ୍କ ବିକ୍ଷୋଭ ପ୍ରଦର୍ଶନ। ଶତାଧିକ ଶ୍ରମିକ କଳା ପତକା ଧରି ‌ଆଇଓସିଏଲ୍ ପ୍ରଶାସନିକ ଭବନଠାରୁ ଏକ ରାଲିରେ ୪ନମ୍ବର ଗେଟ୍‌ ପର୍ଯ୍ୟନ୍ତ ଆସିଥିଲେ।  ପରେ କଂପାନୀ କର୍ତ୍ତୃପକ୍ଷ ଓ ଠିକାଦାରଙ୍କ ବିରୋଧରେ ନାରାବାଜି ଦେବା ସହ ବିକ୍ଷୋଭ ପ୍ରଦର୍ଶନ କରିଥିଲେ। ନିୟମିତ ଦରମା ପ୍ରଦାନ, ଇପିଏଫ୍ ଓ ଇଏସ୍ଆଇ ରାଶି ପ୍ରତିମାସରେ ଜମାକରିବା, ପୁରୁଣା ଶ୍ରମିକଙ୍କୁ ଚାକିରିରୁ ବାହାର ନ କରିବା, ଠିକାଦାର ଓ ଆଇଓସିଲ୍ କର୍ତ୍ତୃପକ୍ଷଙ୍କ ମନମୁଖି ଶାସନ ବନ୍ଦ କରିବାକୁ ସଂଘ ଦାବି କରିଛି।

ଏନେଇ ପୂର୍ବରୁ ମଧ୍ୟ ସଂଘ ଦାବି ଉପସ୍ଥାପନ କରିଥିଲା।  ତେବେ ଆଇଓସିଏଲ୍ କର୍ତ୍ତୃପକ୍ଷ କୌଣସି ପଦକ୍ଷେପ ଗ୍ରହଣ ନ କରିବାରୁ ସଂଘ ପୁଣି ଥରେ ଆନ୍ଦୋଳନକୁ ଓହ୍ଲାଇଛି। ଦାବି ପୂରଣ ନ ହେବା ପର୍ଯ୍ୟନ୍ତ ପ୍ରତିଦିନ ଡ୍ୟୁଟିକୁ ଯିବା ପୂର୍ବରୁ ଠିକା ଶ୍ରମିକମାନେ ଏଭଳି ବିକ୍ଷୋଭ ପ୍ରଦର୍ଶନ କରିବେ ବୋଲି ଧମକ ଦେଇଛନ୍ତି।

Previous ArticleNext Article

Send this to a friend