କେନ୍ଦୁଝର: କେନ୍ଦୁଝର ଜିଲ୍ଲା ଲହଣ୍ଡାରେ ଗୁଣିଗାରେଡ଼ି ସନ୍ଦେହରେ ୬ ଜଣଙ୍କୁ ହତ୍ୟା ଘଟଣାରେ ପୋଲିସ୍ ୨ ଜଣଙ୍କୁ ଗିରଫ କରିଛି ପୋଲିସ୍। ହତ୍ୟାକାଣ୍ଡ ପଛରେ ଏକ ବଡ଼ ଗ୍ରୁପ୍ ସଂପୃକ୍ତ ଥିବା କ୍ରାଇମବ୍ରାଞ୍ଚ ଏଡିଜି ବି.କେ.ଶର୍ମା ସୂଚନା ଦେଇଛନ୍ତି। ସେମାନଙ୍କ ମଧ୍ୟରୁ ୫ରୁ ୭ ଜଣଙ୍କୁ ଚିହ୍ନଟ କରାଯାଇଛି ଏବଂ ଅଭିଯୁକ୍ତଙ୍କୁ ଧରିବାକୁ ଉଦ୍ୟମ ଚାଲିଛି। ଆଜି ଷ୍ଟେଟ ଫରେନସିକ୍ ସାଇନସ୍ ଲାବ୍ରୋଟାରିର ଏକ ୩ ଜଣିଆ ଦଳ ଘଟଣାସ୍ଥଳକୁ ଯାଇଛି। ପ୍ରମାଣ ସଂଗ୍ରହରେ ଏମାନେ ଜିଲ୍ଲା ପୋଲିସକୁ ସହାୟତା କରିବେ। ଅନ୍ୟପକ୍ଷରେ ଗିରଫ ଭୟରେ ଲହଣ୍ଡା ଅଞ୍ଚଳ ଜନଶୂନ୍ୟ ହୋଇପଡ଼ିଛି। ରବିବାର ରାତିରେ ଲହଣ୍ଡା ମୁଣ୍ଡାସାହିରେ ଏହି ନାରକୀୟ ଘଟଣା ଘଟିଥିଲା। ଗୁଣି ସନ୍ଦେହରେ ଗୋଟିଏ ପରିବାରର ୬ ଜଣଙ୍କୁ ହତ୍ୟା କରିଥିଲେ। ଆକ୍ରମଣରେ ଗୁରୁତର ହୋଇ ପଡ଼ିଥିବା ଅନ୍ୟ ଦୁଇଜଣ ଏବେ ଚିକିତ୍ସାଧୀନ ଅଛନ୍ତି। ଏହି ବୀଭତ୍ସ କାଣ୍ଡକୁ ରାଜ୍ୟ ପୋଲିସ୍ ରେଡ୍ ଫ୍ଲ।ଗ ଶ୍ରେଣୀଭୁକ୍ତ କରିଥିବାରୁ କ୍ରାଇମବ୍ରାଞ୍ଚ ପୁରା ମାମଲାର ତନାଘନା କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।