ପ୍ରଶାସନିକ ଦୀପାବଳି; ତହସିଲଦାର ଓ ପୋଲିସ ଉପସ୍ଥିତିରେ ଫୁଟାଲା ୩୦ ଲକ୍ଷ ଟଙ୍କାର ବାଣ

ନୟାଗଡ଼ (ସତ୍ୟନାରାୟଣ ସୁରଜଗଦେବ): ବାଣ ଫୁଟିଲା। ତାହା ପୁଣି କୌଣସି ବାହାଘର କି ଭଷାଣୀ ଉତ୍ସବ ନୁହେଁ। ପାହାର ଭିତରେ ଫାଙ୍କା ଜାଗାରେ ଫୁଟିଛି ଏହି ବାଣ। ପାଖରେ ଉପସ୍ଥିତ ଅଛନ୍ତି ନୟାଗଡ଼ ତହସିଲଦାର, ଅଗ୍ନିଶମ କର୍ମଚାରୀ ଓ ଇଟାମାଟି ଆଇଆଇସି। ଆଜି ପ୍ରାୟ ୩ ଲକ୍ଷ ଟଙ୍କାର ବାଣ ବିସ୍ଫୋରଣ କରାଯାଇଛି।

ଗତବର୍ଷ ଇଟାମାଟି ଗାଁରେ ଏକ ବାଣ ଗୋଦାମରେ ବିସ୍ଫୋରଣ ଘଟିଥିଲା। ଫଳରେ ୧୧ ଜଣଙ୍କ ଜୀବନ ଯାଇଥିଲା। ପୋଲିସ ବାଣ ଗୋଦାମ ମାଲିକଙ୍କଠାରୁ ବିପୁଳ ପରିମାଣର ବାଣ ଜବତ କରିଥିଲା। ପାଖାପାଖି  ୫୦୦ କେଜି ବାଣ ଜବତ କରାଯାଇଥିଲା। ଯାହାର ଆନୁମାନିକ ମୂଲ୍ୟ ୩ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି।

ଆଜି ସେହି ବାଣ ଗୁଡିକୁ ନଷ୍ଟ କରାଯାଇଛି। ସ୍ଥାନୀୟ ପୋଲିସ, ତହସିଲଦାର ଓ ଅଗ୍ନିଶମ କର୍ମଚାରୀଙ୍କ ଉପସ୍ଥିତିରେ ବାଣରେ ଅଗ୍ନି ସଂଯୋଗ କରାଯାଇଥିଲା। ପ୍ରଥମ ପର୍ଯ୍ୟାୟରେ ୩ଟି ଗୋଦାମର ବାଣ ବିସ୍ଫୋରଣ କରାଯାଇଥିଲା। ଅପରାହ୍ନରେ ଆଉ ଦୁଇଟି ଗୋଦାମର ବାଣରେ ଅଗ୍ନି ସଂଯୋଗ କରାଯାଇଥିଲା। ଫଳରେ ଢ଼ୋ ଢ଼ାରେ କମ୍ପୁଛି ସମଗ୍ର ପରିବେଶ। ବାଣ ବିସ୍ଫୋରଣ ପରେ ପାଣି ଢ଼ାଳି ନିଆଁ ଲିଭାଯିବାର ବ୍ୟବସ୍ଥା କରାଯାଇଛି।

Previous ArticleNext Article

Leave a Reply

Send this to a friend