ଅନୁଗୋଳ: ଜରପଡ଼ା ଆଞ୍ଚଳିକ ପରିଷଦ ପକ୍ଷରୁ ୧୨ ଘଣ୍ଟିଆ ରେଳରୋକ

ଅନୁଗୋଳ: ଜରପଡ଼ା ଆଞ୍ଚଳିକ ପରିଷଦ ପକ୍ଷରୁ ଜରପଡା ଷ୍ଟେସନ ୧୨ ଘଣ୍ଟିଆ ରେଳରୋକ କରାଯାଇଛି। ଜରପଡ଼ା ଷ୍ଟସନରେ ସମ୍ୱଲପୁର-ପୁରୀ ଓ ବଲାଙ୍ଗୀର-ଭୁବନେଶ୍ୱର ଇଣ୍ଟରସିଟି ଟ୍ରେନର ରହଣୀ, କଟକ ଦେଇ ରେଳ ଚଳାଚଳ, ଷ୍ଟେସନର ଉନ୍ନତିକରଣ ଆଦି ଦାବିରେ ଏହି ରେଳରୋକ କରାଯାଉଥିବା ପରିଷଦ ପକ୍ଷରୁ କୁହାଯାଇଛି।

ରେଳରୋକ କାରଣରୁ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି। ରେଲୱେ କର୍ତ୍ତୃପକ୍ଷ ଏଥିପାଇଁ ଉଚିତ ପଦକ୍ଷେପ ନ ନେଲେ ଆନ୍ଦୋଳନକୁ ତୀବ୍ର କରାଯିବ ବୋଲି ପରିଷଦ ଚେତାବନୀ ଦିଆଯାଇଛି। ଦାବି ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଅବଗତ କରାଯାଇଥିବା ଜରପଡ଼ା ରେଳ ଷ୍ଟେସନ ଅଧ୍ୟକ୍ଷ ବିଜୟ କୁମାର ରାଉତ କହିଛନ୍ତି।