ଅନୁଗୋଳ: ହାତୀ ଛୁଆର ମୃତ ଦେହ ଠାବ

ଅନୁଗୋଳ: ଅନୁଗୋଳ ଫରେଷ୍ଟ ଡିଭିଜନ ଅନ୍ତର୍ଗତ ପୁରୁଣାଗଡ ରେଞ୍ଜ ଅଧୀନ ବୃତ୍ତି ନିକଟରୁ ଏକ ହାତୀ ଛୁଆର ମୃତଦେହକୁ ଶନିବାର ଉଦ୍ଧାର କରିଛି ବନ ବିଭାଗ। ୨ରୁ ୩ ଦିନ ହେବ ଏହି ହାତୀ ଛୁଆର ମୃତ୍ୟୁ ହୋଇଥିବା ଅନୁମାନ କରାଯାଉଛି। ଉଦ୍ଧାର କରାଯାଇଥିବା ହାତୀ ଛୁଆର ବୟସ ଆନୁମାନିକ ୩ ରୁ ୪ ବର୍ଷ ହେବ। ଛୁଆହାତୀ ମୃତ୍ୟୁର କାରଣ ଜଣାପଡି ନ ଥିବା ବେଳେ ବିଦ୍ୟୁତ୍ ଆଘାତରୁ ତା’ର ମୃତ୍ୟୁ ଘଟିଥିବା ଆଶଙ୍କା କରାଯାଉଛି। ଘଟଣାସ୍ଥଳରେ ବନ ବିଭାଗ ପହଞ୍ଚି ତଦନ୍ତ କରିବା ସହ ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି। ରିପୋର୍ଟ ଆସିବା ପରେ ଛୁଆ ହାତୀର ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୁରୁଣାଗଡ଼ ରେଞ୍ଜ ଅଫିସର ସୁଧାଂଶୁ ଶେଖର ପଣ୍ଡା କହିଛନ୍ତି।