କଟକ: ରାଜ୍ୟ ଅସ୍ଥିଶଲ୍ୟ ସଂଗଠନ ପକ୍ଷରୁ ‘ପେଲ୍ବି-ଅକ୍ଟାବୁଲାର' ସମ୍ପର୍କୀତ ଏକ କର୍ମଶାଳା କଟକଠାରେ ଅନୁଷ୍ଠିତ ହୋଇଯାଇଛି। ରାଜ୍ୟର ବିଭିନ୍ନ ସ୍ଥାନରୁ ୧୦୦ରୁ ଊର୍ଦ୍ଧ୍ୱ ଅସ୍ଥିଶଲ୍ୟ ଚିକିତ୍ସକ ଏଥିରେ ଯୋଗଦେଇଥିଲେ। ବିଶେଷଜ୍ଞ ଡାକ୍ତରମାନଙ୍କ ଦ୍ୱାରା ପେଲ୍ବି-ଅକ୍ଟାବୁଲାର ଭଳି ଗୁରୁତ୍ୱପୂର୍ଣ୍ଣ ଅସ୍ତ୍ରପ୍ରଚାରକୁ ନିର୍ଭୁଲ ଭାବେ କରିବା ପାଇଁ ଯୁବ ଅସ୍ଥିଶଲ୍ୟ ଚିକିତ୍ସକମାନଙ୍କୁ ଏହି ପ୍ରଶିକ୍ଷଣରେ ଶିକ୍ଷା ଦେଇଥିଲେ। ବିଶେଷଜ୍ଞମାନେ ଡେମୋ ବୋନ୍ ବା କୃତ୍ରିମ ଅସ୍ଥି ଆଣି ଚିକିତ୍ସକମାନଙ୍କୁ ପ୍ରଶିକ୍ଷଣ ଦେଇଥିଲେ । ଡା. ବିଶ୍ୱଜିତ ସାହୁଙ୍କ ପକ୍ଷରୁ ପରିଚାଳିତ ଏହି ସମ୍ମିଳନୀରେ ପ୍ରଫେସର ଏମ୍. ଆର୍. ମହାପାତ୍ର, ପ୍ରଫେସର ବି. କେ. ବେହେରାଙ୍କ ସମେତ ବହୁ ବିଶେଷଜ୍ଞ ଅଂଶଗ୍ରହଣ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
