ବିଶିଷ୍ଟ ସ୍ୱାଧୀନତା ସଂଗ୍ରାମୀ ବୃନ୍ଦାବନ ତ୍ରିପାଠୀଙ୍କ ତୈଳଚିତ୍ର ଉନ୍ମୋଚନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସଚିବାଳୟରେ ବିଶିଷ୍ଟ ସ୍ୱାଧୀନତା ସଂଗ୍ରାମୀ ସ୍ୱର୍ଗତ ବୃନ୍ଦାବନ ତ୍ରିପାଠୀଙ୍କର ତୈଳଚିତ୍ର ଉନ୍ମୋଚନ କରି ତାଙ୍କର ଜନ୍ମ ଶତବାର୍ଷିକୀ ସମାରୋହର ଶୁଭାରମ୍ଭ କରିଛନ୍ତି। ସ୍ୱର୍ଗତ ତ୍ରିପାଠୀ ଯାଜପୁର ଜିଲ୍ଲାର ବାଲିପଡିଆଠାରେ ଜନ୍ମ ଗ୍ରହଣ କରିଥିଲେ। ଅବିଭକ୍ତ କଟକ ଜିଲ୍ଲାର ସ୍ୱଧୀନତା ସଂଗ୍ରାମକୁ ଜୋରଦାର କରିବାରେ ତାଙ୍କର ଗୁରତ୍ୱପୂର୍ଣ୍ଣ ଭୂମିକା ରହିଥିଲା।

ଆଜିର ଏହି କାର୍ଯ୍ୟକ୍ରମରେ ବଡଚଣା ବିଧାୟକ ଅମର ଶତପଥୀ, ସ୍ୱର୍ଗତ ବୃନ୍ଦାବନ ତ୍ରିପାଠୀଙ୍କ ପତ୍ନୀ ସରସ୍ୱତୀ ଦେବୀ, ସ୍ୱାଧୀନତା ସଂଗ୍ରାମୀ ନୀଳମଣି ସାମଲ, ବିମ୍ବାଧର ମୁଦୁଲି, ନକୁଳ ଦାସ, ଭକ୍ତ ଚରଣ ମଲ୍ଲିକ, ଭିକାରୀ ମହାନ୍ତି ଏବଂ ସ୍ୱାଧୀନତା ସଂଗ୍ରାମୀ କମିଟି ସଭାପତି ଭବାନୀ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ। ସ୍ୱର୍ଗତ ତ୍ରିପାଠୀଙ୍କ ଜନ୍ମ ଶତବାର୍ଷିକୀ ପାଳନ କାର୍ଯ୍ୟକ୍ରମ ଆଜିଠାରୁ ବର୍ଷସାରା ଜାରି ରହିବ ବୋଲି ବିଧାୟକ ଶତପଥୀ ସୂଚନା ଦେଇଥିଲେ। ସ୍ୱାଧୀନତା ସଂଗ୍ରାମୀମାନଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖଦିବସ୍ତ୍ର ଉପହାର ସ୍ୱରୂପ ପ୍ରଦାନ କରିଥିଲେ।