ସାରା ରାଜ୍ୟରେ ଆହୁରି ୨୪ଘଣ୍ଟା ଜାରି ରହିବ ଶୀତର ପ୍ରକୋପ

ଭୁବନେଶ୍ୱର: ହାଡ଼ ଭଙ୍ଗା ଶୀତରେ ଥରୁଛି ସାରା ରାଜ୍ୟ।ଏହି ପ୍ରକୋପ ଆହୁରି ୨୪ ଘଣ୍ଟା ଜାରି ରହିବ। ସୋମବାର ଏହି ସୂଚନା ଦେଇଛନ୍ତି ଭୁବନେଶ୍ୱର ପାଣିପାଗ ବିଭାଗ।

ଅନ୍ୟପକ୍ଷରେ ଫୁଲବାଣୀରେ ସର୍ବନିମ୍ନ ୪.୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିଲା ବେଳେ ସୁନ୍ଦରଗଡ଼  ଓ ଦାରିଙ୍ଗବାଡ଼ିରେ ୬.୦, ହୀରାକୁଦ, ବାରିପଦା ଟିଟିଲାଗଡ଼ରେ ୭.୦, ଭବାନୀପାଟଣାରେ ୭.୨ ଝାରସୁଗୁଡ଼ାରେ ୭.୪, ସମ୍ୱଲପୁର, ବଲାଙ୍ଗିରରେ ୮.୫, କୋରାପୁଟରେ ୯.୦ , ବାଲେଶ୍ୱରରେ୧୦.୨ ଓ ଢେଙ୍କାନାଳରେ ୧୦.୩ ଡିଗ୍ରୀ ରେକର୍ଡ କରାଯାଇଛି।

ସେହିପରି ତାଳଚେରରେ ୧୧.୫, କଟକରେ ୧୨.୦,ଚାନ୍ଦବାଲିରେ ୧୨.୪,ଭୁବନେଶ୍ୱରରେ ୧୨.୯ ତାପମାତ୍ରା ଥିବା ବେଳେ ପାରାଦୀପରେ ୧୩.୫, ପୁରୀ ଓ ମାଲକାଗିରିରେ୧୩.୬ ତାପମାତ୍ରା ଥିବା ବେଳେ ଗୋପାଳପୁରରେ ୧୫.୦ ତାପମାତ୍ରା ଥିଲା।