କଟକ ମେୟର ନିର୍ବାଚନକୁ ନେଇ ବଢୁଛି ରାଜନୈତିକ ଉଷ୍ମତା

କଟକ: ୨୨ ତାରିଖରେ କଟକ ମେୟର ନିର୍ବାଚନକୁ ନେଇ ରାଜନୈତିକ ଉଷ୍ମତା ବଢୁବାରେ ଲାଗିଛି। ଏହି ପଦ ଅନୁସୂଚିତ ଜାତିର ମହିଳାଙ୍କ ପାଇଁ ସଂରକ୍ଷିତ ରହିଥିବା ବେଳେ ୩ ଜଣ ଆଶାୟୀ ଦୌଡ଼ରେ ଅଛନ୍ତି। ସେମାନେ ହେଲେ ୩୯ ନମ୍ୱର ୱାର୍ଡର ସୁଲୋଚନା ସେଠୀ, ୪୫ ନମ୍ୱର ୱାର୍ଡର ମିନାକ୍ଷୀ ବେହେରା ଏବଂ ୫୧ ନମ୍ୱର ୱାର୍ଡର ମମତା ବେହେରା। ତେବେ ମମତାଙ୍କ ନାଁ ମଧ୍ୟ ରାସନକାର୍ଡ ତାଲିକାରେ ଥିଲା। ତେଣୁ ତାଙ୍କୁ ଏଥିରୁ ବାଦ ଦିଆଯିବା ଏକପ୍ରକାର ନିଶ୍ଚିତ ଜଣାପଡୁଛି। ସୁଲୋଚନା ସେଠୀ  ଓ ମୀନାକ୍ଷୀ ବେହେରାଙ୍କ ମଧ୍ୟରୁ ଜଣକୁ ଏହି ପଦ ମିଳିବା ସମ୍ଭାବନା ରହିଛି। ଅନୀତା ବେହେରାଙ୍କ ଇସ୍ତଫା ପରେ ଗତ ମାସ ୨୯ ତାରିଖରୁ କଟକ ମେୟର ପଦ ଖାଲିପଡ଼ିଛି।

ତେବେ ମେୟର ଦୌଡରେ ଥିବା ୩ ଆଶାୟୀ ଦଳୀୟ ସଭାପତି ଯେଉଁ ନିଷ୍ପତ୍ତି ନେବା ତାହାକୁ ମାନିବେ ବୋଲି କହିଛନ୍ତି।