ଦଶରଥପୁରରେ ଅଗ୍ନିକାଣ୍ଡ, ୧୩ଟି ଦୋକାନ ପାଉଁଶ

ଯାଜପୁର: ଯାଜପୁର ଜିଲ୍ଲା ଦଶରଥପୁରର ଝୁମ୍ପୁରୀ ବଜାରରେ ଗତକାଲି ରାତି ପ୍ରାୟ ସାଢ଼େ ଦୁଇଟାରେ ନିଆଁ ଲାଗି ୧୩ଟି ଦୋକାନ ଭସ୍ମୀଭୂତ ହୋଇଯାଇଛି।  ମଙ୍ଗଳପୁର ଓ ଯାଜପୁରରୁ ଦୁଇଟି ଦମକଳ ଗାଡ଼ି ଆସି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡରେ ଲକ୍ଷ ଲକ୍ଷ ଟଙ୍କାର ସମ୍ପତ୍ତି ପୋଡ଼ି ନଷ୍ଟ  ହୋଇଯାଇଛି।

 ରାତିରେ ଏକ ବାହାଘର  ଶୋଭାଯାତ୍ରା ବେଳେ  ବାଣ ଫୁଟି ଏହି ଅଗ୍ନିକାଣ୍ଡ ଘଟିଥିବା ଆଶଙ୍କା କରାଯାଉଛି।