ଏଲଭି ପ୍ରସାଦ ଆଇ ଇନଷ୍ଟିଚ୍ୟୁଟର ୧୦ମ ବାର୍ଷିକ ଉତ୍ସବ

ଭୁବନେଶ୍ୱର: ଭୁବନେଶ୍ୱର ସ୍ଥିତ ଏଲଭି ପ୍ରସାଦ ଆଇ ଇନଷ୍ଟିଚ୍ୟୁଟର ୧୦ମ ବାର୍ଷିକ ଉତ୍ସବ ଅନୁଷ୍ଠିତ ହୋଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିରେ ମୁଖ୍ୟଅତିଥି ଭାବେ ଯୋଗ ଦେଇଥିଲେ।  ଇନଷ୍ଟିଚ୍ୟୁଟରେ ୧୦ବର୍ଷରେ ପ୍ରାୟ ୭ ଲକ୍ଷ ଚକ୍ଷୁରୋଗୀ ଚିକିତ୍ସିତ ହୋଇଥିବା ବେଳେ ୭୫ ହଜାର ରୋଗୀଙ୍କର ବିଭିନ୍ନ ଅସ୍ତ୍ରୋପଚାର ଓ ୨ ହଜାର ୭ଶହ ୪୪ ଜଣଙ୍କ ଚକ୍ଷୁ ପ୍ରତ୍ୟାରୋପଣ କରାଯାଇଛି। ଏହା ସହିତ ଭୁବନେଶ୍ୱରର ଚିକିତ୍ସାଳୟରେ ସରକାରୀ ନିୟମ ଅନୁଯାଇ ୩୬ ପ୍ରତିଶତ ରୋଗୀଙ୍କୁ ମାଗଣା ଚିକିତ୍ସା କରାଯାଉଥିବା ବେଳେ ରାୟଗଡା ଓ ସୁନ୍ଦରଗଡରେ ଥିବା ଚିକିତ୍ସାଳୟରେ ୯୦ ପ୍ରତିଶତ ରୋଗୀଙ୍କୁ ମାଗଣା ଚିକିତ୍ସା ଦିଆଯାଉଥିବା ଇନଷ୍ଟିଚ୍ୟୁଟ ଉପାଧ୍ୟକ୍ଷ କହିଛନ୍ତି।