ମାଲକାନଗିରି: ମାଓ ଭୟରେ ଭିଟାମାଟି ଛାଡ଼ିଲେ ୧୪ ପରିବାର

ମାଲକାନଗିରି: ମାଲକାନଗିରି ଜିଲ୍ଲାରେ ମାଓବାଦୀ ଭୟରେ ୧୪ ପରିବାରର ଭିଟାମାଟି ଛାଡ଼ିଛନ୍ତି। ମାଓବାଦୀଙ୍କ ନିର୍ଯାତନାରେ ଅତିଷ୍ଟ ହୋଇ ଜିଲ୍ଲାର ମାଥିଲି ଥାନା ଅନ୍ତର୍ଗତ ମହୁପଦର ଗାଁର ଏହି ପରିବାରମାନେ ଘର ଛାଡି ମାଲକାନଗିରି ସଦର ମହକୁମାରେ ଶୀତ କାକରରେ ପଡ଼ି ରହିଛନ୍ତି। ସଦର ମହକୁମାର ଆଶୀର୍ବାଦ କଲୋନୀରେ ଟାଟିରେ ବାଡ଼ ପକାଇ ଜରି ଟାଣି ମୁଣ୍ଡ ଗୁଞ୍ଜିଛନ୍ତି। ମାଓବାଦୀମାନେ ପରିବାର ଲୋକଙ୍କୁ ଡ଼ାକି ବାରମ୍ୱାର ପିଟାପିଟି କରିବା ସହ ଗାଁ ନ ଛାଡ଼ିବା ପାଇଁ ଧମକ ମଧ୍ୟ ଦେଇ ଆସୁଥିଲେ। ତେଣୁ ଜୀବନ ପ୍ରତି ବିପଦ ଥିବାରୁ ସେମାନେ ଘର ଛାଡ଼ିଛନ୍ତି ବୋଲି ଅଭିଯୋଗ କରିଛନ୍ତି।