ବ୍ରହ୍ମପୁର: ଆଜି ମର୍ଦ୍ଦରାଜ ମହୋତ୍ସବର ଉଦଯାପନୀ ସନ୍ଧ୍ୟା

ବ୍ରହ୍ମପୁର: ଖଲିକୋଟରେ ଚାଲିଥିବା ମର୍ଦ୍ଦରାଜ ମହୋତ୍ସବର ବୁଧବାର ହେଉଛି ଉଦଯାପନୀ ସନ୍ଧ୍ୟା। ଗତକାଲି ମହୋତ୍ସବର ଦ୍ୱିତୀୟ ସନ୍ଧ୍ୟାରେ କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ମୁଖ୍ୟଅତିଥି, କଟକ-ବାରବାଟୀ ବିଧାୟକ ଦେବାଶିଷ ସାମନ୍ତରାୟ, ଖଲିକୋଟ ବିଧାୟକ ପୂର୍ଣ୍ଣଚନ୍ଦ୍ର ସେଠୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଖଲିକୋଟ ରାଣୀ ତଥା କବିସୂର୍ଯ୍ୟନଗର ବିଧାୟିକା ଭି. ସୁଜ୍ଞାନ କୁମାରୀ ଦେଓ କାର୍ଯ୍ୟକ୍ରମର ସଂଯୋଜନା କରିଥିଲେ। ୧୧ ତାରିଖରୁ ଚାଲିଥିବା ଏହି ମହୋତ୍ସବରେ ବାଣିଜ୍ୟ ମେଳା ଓ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।

ସାଂସଦ ବୈଜୟନ୍ତ ପଣ୍ଡା କହିଛନ୍ତି, ଏଠାକୁ ଆସି ବହୁତ ଖୁସି ଲାଗିଲା। ଏହି କାର୍ଯ୍ୟକ୍ରମରେ ଯୋଗ ଦେବାକୁ ଏଠାକୁ ପୂର୍ବରୁ ଥରେ ଆସିଥିଲି। ଏଠାରେ ଲୋକଙ୍କ ଅତିଥି ସତ୍କାର ବହୁତ ଖୁସି ଦେଇଥାଏ।