କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ନିୟମଗିରି ଅଞ୍ଚଳ ପାରସାଲି ପଞ୍ଚାୟତରେ ତିନିଟି ସ୍ଥାନରେ ମାଓ ପୋଷ୍ଟର ଲାଗିଛି। ଏହି ପୋଷ୍ଟର ସିପିଆଇ ମାଓବାଦୀ ବାସଧରା ଘୁମଷର ନାଗାବଳି ଡିଭିଜନ ମାରିଥିବା ଅଭିଯୋଗ ହେଉଛି। ଏ ସମ୍ପର୍କରେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ପୋଷ୍ଟର ଗୁଡ଼ିକୁ ଜବତ କରି ତଦନ୍ତ ଆରମ୍ଭ କରିଛି।
ପୋଷ୍ଟରରେ ଉଲ୍ଲେଖ ରହିଛି, ନିୟମଗିରି ଅଞ୍ଚଳରେ ରାସ୍ତା ନୁହେଁ ମେଡିକାଲ ଓ ପାନୀୟ ଜଳ ସମସ୍ୟା ସମାଧାନ କରାଯାଉ। ପୋଲିସ ଇନ୍ଫର୍ମର ନ ହୋଇ ମାଓ ସଂଗଠନକୁ ସହଯୋଗକର। ପୋଲିସ ଗିରଫ କଲେ ଜାମିନ ମିଳିବ କିନ୍ତୁ ଆମେ ଦଣ୍ଡ ଦେଲେ ଜୀବନ ଯିବ ବୋଲି ମାଓବାଦୀମାନେ ପୋଷ୍ଟରରେ ଉଲ୍ଲେଖ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।