ପାରାଦୀପ: ପାରଦୀପରେ ଡଙ୍ଗା ବୁଡି ଜଣଙ୍କ ମୃତ୍ୟୁ ହୋଇଛି। ଆଉ ପାଞ୍ଚ ଜଣଙ୍କ ଉଦ୍ଧାର କରାଯାଇଛି। ଆଜି ଛଅ ଜଣ ନୋଳିଆ ମାଛ ମାରିବାକୁ ସମୁଦ୍ର ଭିତରକୁ ଯାଇଥିଲେ । ଅପରାହ୍ଣରେ ଫେରିବା ସମୟରେ ଏକ ଲହଡିର ସାମ୍ନା କରି ନପାରି ସେମାନଙ୍କ ଡଙ୍ଗା ଓଲଟି ଓଲଟି ପଡ଼ିଥିଲା। ଫଳରେ ଜଣେ ମତ୍ସ୍ୟଜୀବୀ ପ୍ରାଣ ହରାଇ ଥିବାବେଳେ ୫ ଜଣ ଜୀବନ ବଂଚାଇ କୂଳକୁ ଆସିବାରେ ସଫଳ ହୋଇଥିଲେ।
ଗତ ୫ ତାରିଖରେ ମଧ୍ୟ ପାରାଦୀପ ମୁହାଣରେ ଏକ ମାଛଧରା ବୋଟ୍ ବୁଡ଼ି ଯାଇଥିଲା। ୬ ମତ୍ସ୍ୟଜୀବୀ ମାଛ ମାରି ଫେରୁଥିବା ବେଳେ ସେମାନଙ୍କ ବୋଟ୍ ପାରାଦୀପ ମୁହାଣଠାରୁ ପ୍ରାୟ ୫୦୦ ମିଟର ଦୂରରେ ବୁଡ଼ି ଯାଇଥିଲା। ପ୍ରଥମେ ଦୁଇ ଜଣ ନିଖୋଜ ମତ୍ସ୍ୟଜୀବୀ କୂଳକୁ ଫେରିଥିଲେ। ପରେ ଆଉ ୪ ଜଣଙ୍କୁ ଉଦ୍ଧାର କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
