ରାଉରକେଲା: ସୁନ୍ଦରଗଡ଼ ଜିଲ୍ଳା ବରେଇଗଡ଼ା ଗାଁରେ ଆଜି କୂଅ ଭିତରୁ ଦୁଇଟି ହାତୀକୁ ଉଦ୍ଧାର କରାଯାଇଛି। ଜଙ୍ଗଲ ଭିତରୁ ଏକ ହାତୀପଲ ଗତକାଲି ରାତି ଏହି ଗାଁ ଭିତରକୁ ପଶିଆସିଥିଲେ। ଗାଁରେ ବହୁ ଫସଲ ନଷ୍ଟ କରିବା ସହିତ ଘରର ପାଚେରୀ ମଧ୍ୟ ଭାଙ୍ଗି ଦେଇଥିଲେ। ତେବେ ଏହି ସମୟରେ ଗାଁରେ ଏକ ଅଧାଖୋଳା ପରିତ୍ୟକ୍ତ କୂଅରେ ଗୋଟିଏ ମାଈ ହାତୀ ଓ ଏକ ଛୁଆ ହାତୀ ପଡ଼ି ଯାଇଥିଲେ। ରାତି ପ୍ରାୟ ଦୁଇଟି ବେଳକୁ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ଆଜି ଭୋର ପ୍ରାୟ ୫ଟା ବେଳକୁ ପ୍ରଥମେ ମାଈ ହାତୀଟିକୁ ଉଦ୍ଧାର କରାଯାଇଥିଲା। ପରେ ସକାଳ ୬ଟା ବେଳକୁ ଅନ୍ୟ ହାତୀଟିକୁ ମଧ୍ୟ କୂଅରୁ କଢ଼ା ଯାଇଥିଲା। ହାତୀ ଦୁଇଟିକୁ ଉଦ୍ଧାର କଲା ପରେ ଜଙ୍ଗଲରେ ଛାଡ଼ି ଦିଆଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
