ସମ୍ୱଲପୁର: ବିଷାକ୍ତ ଫଳ ଖାଇ ୧୫ ଛାତ୍ର ଅସୁସ୍ଥ

sambulpurସମ୍ୱଲପୁର: ସମ୍ୱଲପୁରରେ ବିଷାକ୍ତ ଫଳ ଖାଇ ପ୍ରାୟ ୧୫ ଜଣ ଛାତ୍ର ଅସୁସ୍ଥ ହୋଇପଡ଼ିଛନ୍ତି। ଜିଲ୍ଲା ସଦର ହସପିଟାଲରେ ସେମାନଙ୍କର ଚିକିତ୍ସା ଚାଲିଛି। ପାଞ୍ଚଗୋଛିଆ ଅଂଚଳର ଏହି ପିଲାମାନେ ଭିନ୍ନ ଭିନ୍ନ ଉଚ୍ଚ ପ୍ରାଥମିକ ସ୍କୁଲର ଛାତ୍ର। ସମସ୍ତଙ୍କ  ବୟସ ୫ ରୁ ୧୨ ମଧ୍ୟରେ ହେବ।

ଅବିଭାବକମାନଙ୍କ କହିବା ଅନୁସାରେ ପିଲାମାନେ ସ୍କୁଲରୁ ଫେରିବା ବେଳେ ଏକ ଜଡ଼ା ଗଛରୁ ଫଳତୋଳି ଖାଇଥିଲେ। ପରେ ସମସ୍ତଙ୍କ ବାନ୍ତି ହେବା ସହ ମୁଣ୍ଡ ବୁଲାଇବା ଭଳି ଲକ୍ଷଣ ଦେଖାଦେଇଥିଲା। ଏହାପରେ ସେମାନଙ୍କୁ ସଦର ହସପିଟାଲରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସା ପରେ ସେମାନଙ୍କ ସ୍ୱାସ୍ଥ୍ୟବସ୍ଥା ଠିକ୍ ଥିବା ଡାକ୍ତର କହିଛନ୍ତି ।