ସମ୍ୱଲପୁର: କୁଚିଣ୍ଡା ନିର୍ବାହୀ ଅଧିକାରୀଙ୍କୁ ସାଂସଦଙ୍କ ଦୁର୍ବ୍ୟବହାର ଅଭିଯୋଗ

ସମ୍ୱଲପୁର: ସମ୍ୱଲପୁର ଜିଲ୍ଲା କୁଚିଣ୍ଡା ବିଜ୍ଞାପିତ ଅଞ୍ଚଳ ପରିଷଦ(ଏନ୍‌ଏସି)ର ନିର୍ବାହୀ ଅଧିକାରୀ ଜିତେନ୍ଦ୍ର କୁମାର ମହାପାତ୍ରଙ୍କୁ ସାଂସଦ ନଗେନ୍ଦ୍ର ପ୍ରଧାନ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି। ଏ ନେଇ ନିର୍ବାହୀ ଅଧିକାରୀ ଏସପିଙ୍କ ନିକଟରେ ମୌଖିକ ଅଭିଯୋଗ କରିଛନ୍ତି।

ଗତ ୯ ଓ୧୦ତାରିଖରେ ଏନ୍‌.ଏ.ସି ତରଫରୁ ଆୟୋଜିତ ପୁଷ୍ପ ପ୍ରଦର୍ଶନୀ ଓ ଏସ୍‌.ଏଚ୍.ଜି ମେଳାର ଉଦଘାଟନୀ ଉତ୍ସବରେ ସାଂସଦ ନଗେନ୍ଦ୍ର ପ୍ରଧାନ ଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ସେ ଜିତେନ୍ଦ୍ରକୁ ଗାଳି ଗୁଲଜ କରିଥିବା ନେଇ ଅଭିଯୋଗ ହୋଇଛି।