ସରକାରୀ ମାନ୍ୟତା ଦାବିରେ ସର୍ଦ୍ଦାର ରାଜା ମେଡିକାଲ୍ କଲେଜ କ୍ରିୟାନୁଷ୍ଠାନ କମିଟିର ଗଣଧାରଣା ତୃତୀୟ ଦିନରେ

କଳାହାଣ୍ଡି: କଳାହାଣ୍ଡି ସର୍ଦ୍ଦାର ରାଜା ମେଡିକାଲ୍ କଲେଜ କ୍ରିୟାନୁଷ୍ଠାନ କମିଟିର ଗଣଧାରଣା ଆଜି ତୃତୀୟ ଦିନରେ ପହଞ୍ଚିଛି। ଜାରିଙ୍ଗସ୍ଥିତ ଏହି ମେଡିକାଲ୍ କଲେଜକୁ ସରକାରୀ ମାନ୍ୟତା ଦାବିରେ ଗତ ୨୮ ତାରିଖରୁ କ୍ରିୟାନୁଷ୍ଠାନ କମିଟି ଧାରଣାରେ ବସିଛି। ସରକାର ଏନେଇ ଶୀଘ୍ର ପଦକ୍ଷେପ ନ ନେଲେ ଜିଲ୍ଲାରେ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ଅର୍ଥନୈତିକ ଅବରୋଧ କରାଯିବ ବୋଲି କମିଟି ଚେତାବନୀ ଦେଇଛି।
ସୂଚନାଯୋଗ୍ୟ, ଏହି ମେଡିକାଲ କଲେଜର ଛାତ୍ରଛାତ୍ରୀଙ୍କୁ ଓଡ଼ିଶାର ୩ଟି ଘରୋଇ କଲେଜକୁ ସ୍ଥାନାନ୍ତର କରିବା ପାଇଁ ହାଇକୋର୍ଟ ଏମସିଆଇ, କେନ୍ଦ୍ର ସରକାର ଓ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ। ଏହାକୁ ଚ୍ୟାଲେଞ୍ଜ କରି ସର୍ଦ୍ଦାର ରାଜା ମେଡିକାଲ୍ କଲେଜର ଓକିଲ ଅଙ୍କୁର ଏସ୍ କୁଲକର୍ଣ୍ଣି ସୁପ୍ରିମକୋର୍ଟରେ ନିଷ୍ପତିକୁ ସ୍ଥଗିତ ରଖିବାକୁ ଆବେଦନ କରିଛନ୍ତି।