ଗୁଣୁପୁର: ଭ୍ୟାନ୍ ଧକ୍କାରେ ବୁଲାବିକାଳୀ ମୃତ

ଗୁଣୁପୁର: ରାୟଗଡ଼ା ଜିଲ୍ଲା ଗୁଣୁପୁରରେ ଏକ ଭ୍ୟାନ୍‌ ଧକ୍କାରେ ଜଣେ ବୁଲାବିକାଳୀର ମୃତ୍ୟୁ ଘଟିଛି। ମୃତକ ଜଣକ ହେଲେ ପଦ୍ମପୁରର ନଟ ସାହୁ। ଆଜି ସକାଳେ ସେ ପାଖ ଗାଁ ଗୁଡ଼ିକରେ ତେଜରାତି ସାମଗ୍ରୀ ବିକ୍ରି କରି  ଘରକୁ ଫରୁଥିବା ବେଳେ ଗୁଣ୍ଡିଚା ମନ୍ଦିର ନିକଟରେ ଏକ ଭ୍ୟାନ୍ ତାଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା।

ପୋଲିସ୍ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏନେଇ ଥାନାରେ ଅପମୃତ୍ୟୁ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଆରମ୍ଭ କରିଛି।