ସୋନ୍ ଏବଂ ଐଶ୍ ଯିବେ କାନ୍ସ

ମୁମ୍ବାଇ: କାପୁର ତନୟା ସୋନମ ଓ ବଚ୍ଚନ ପରିବାର ବହୂ ଐଶ୍ ଚଳିତବର୍ଷ କାନ୍ସ ଫିଲ୍ମି ଫେଷ୍ଟିୱାଲରେ ଭାଗ ନେବେ। ଏବର୍ଷ ବି ସୋନ୍ ଓ ଐଶ୍ କାନ୍ସର ରେଡ୍ କାର୍ପେଟ ଉପରେ ଦେଖାଇବେ ତାଙ୍କ ଜଲୱା। ଏହି ଅଭିନେତ୍ରୀ ଦ୍ୱୟ ଏଲ’ଓରେଲ କସ୍ମେଟକ୍ସର ବ୍ରାଣ୍ଡ ଆମ୍ବାସଡର ଥିବାରୁ ସେମାନେ ସେଠାକୁ ଯିବେ।

କିନ୍ତୁ ଅନ୍ୟତମ ବ୍ରାଣ୍ଡ ଆମ୍ବାସଡର କାଟ୍ରିନା ସେଠାକୁ ଯିବକୁ ସମ୍ମତି ପ୍ରକାଶ କରିନାହାନ୍ତି ।ତେଣୁ ସେ ଏହାକୁ ଗତବର୍ଷ ପରି ମିସ୍ କରିବେ। ଅନ୍ୟପଟରେ ଐଶ୍ ନବମ ଥରପାଇଁ ସେଠାକୁ ଯାଉଥିବାବେଳେ ସୋନମ କାପୁର ସେଠାକୁ ଯିବାକୁ ବ୍ୟଗ୍ର ବୋଲି ତାଙ୍କ ଟ୍ୱିଟର ପେଜ୍ରେ ଲେଖିଛନ୍ତି।

ଏହି ୧୨ ଦିନିଆ ଫିଲ୍ମି ଫେଷ୍ଟିୱାଲ ଆସନ୍ତା ମେ ମାସ ୧୩ରୁ ୨୪ ତାରିଖ ଯାଏ ଚାଲିବ। ଏଥର ନିଦେ୍ର୍ଧଶକ ଅନୁରାଗ କାଶ୍ୟାପ ତାଙ୍କ ଅପ୍କମିଂ ଫିଲ୍ମି ‘ବମ୍ବେ ଭେଲଭେଟ’କୁ ସେଠାରେ ପ୍ରଦର୍ଶିତ କରିବେ ବୋଲି ଆଲୋଚନା ହେଉଛି । ତେବେ ଏହାକୁ ଖଣ୍ଡନ କରିଛନ୍ତି ଅନୁରାଗ।