‘ଏୟାରଲିଫ୍ଟ’ର ପ୍ରମୋସନ ପାଇଁ ଭିକେ ସିଂହଙ୍କୁ ଭେଟିଲେ ଅକ୍ଷୟ କୁମାର

ମୁମ୍ବାଇ: ଆସନ୍ତା ସପ୍ତାହରେ ବି-ଟାଉନକୁ ଆସିବ ଖିଲାଡି ଷ୍ଟାର ଅକ୍ଷୟ କୁମାରଙ୍କ ୱାର ଓ ଥ୍ରୀଲର ଫିଲ୍ମ ‘ଏୟାରଲିଫ୍ଟ’। ୧୯୯୦ରେ ଇରାକ୍-କୁଏତ ଯୁଦ୍ଧରେ କୁଏତରେ ଫସିଥିବା ଭାରତୀୟଙ୍କୁ ଉଦ୍ଧାର ନେଇ ନିର୍ମାଣ କରାଯାଇଥିବା ଏହି ଫିଲ୍ମର  ପ୍ରମୋସନ ପାଇଁ ସେ ସୋମବାର ପୂର୍ବତନ ସେନାମୁଖ୍ୟ ଭିକେ ସିଂହକୁ ସାକ୍ଷାତ କରିଥିଲେ। ଗତବର୍ଷ ଏପ୍ରିଲ ମାସରେ ପୂର୍ବତନ ସେନାମୁଖ୍ୟ ଭି.କେ ସିଂହଙ୍କ ତତ୍ତ୍ୱବଧାନରେ ‘ଅପରେସନ ରାହାତ’ ମାଧ୍ୟମରେ ୟେମନରୁ ୫୬୦୦ ଲୋକଙ୍କୁ ଉଦ୍ଧାର କରାଯାଇଥିଲା। ଫିଲ୍ମ ପ୍ରମୋସନ ପାଇଁ ଅକ୍ଷୟ କେନ୍ଦ୍ର ବୈଦେଶିକ ରାଷ୍ଟ୍ର ମନ୍ତ୍ରୀ ସିଂହଙ୍କୁ ଭେଟିବା ସହ କରମର୍ଦ୍ଦନ କରିବାର ଫଟୋ ସୋସିଆଲ ମିଡିଆରେ ପୋଷ୍ଟ କରିଛନ୍ତି।

ଫିଲ୍ମ ପ୍ରମୋସନ ପାଇଁ ବହୁ ସହରକୁ ସହର ବୁଲୁଛନ୍ତି ଅକ୍ଷୟକୁମାର। ଏହି ଫିଲ୍ମକୁ ରାଜା କ୍ରୀଷ୍ଣା ମେନନ୍ ନିର୍ଦ୍ଦେଶନା ଦେଉଥିବା ବେଳେ ମୁଖ୍ୟ ଭୂମିକାରେ ଅକ୍ଷୟ କୁମାର ଓ ନିମ୍ରାତ କୌର ରହିଛନ୍ତି।