ରାମ ଲୀଲା ପରେ ରଣବୀର-ଦୀପିକାଙ୍କ ‘ଡ୍ୟାନ୍ସ ଲୀଲା’!

ମୁମ୍ବାଇ: ରାମ ଲୀଲା ପରେ ଏବେ ଡ୍ୟାନ୍ସ ଲୀଲା କରୁଛନ୍ତି ବଲିଉଡର ମୋଷ୍ଟ ବିୟୁଟିଫୁଲ କପଲ ରଣବୀର ସିଂହ ଓ ଦୀପିକା ପାଦୁକୋନ। ନିଜର ଜବରଦସ୍ତ ଅଭିନୟ ପାଇଁ ରଣନୀର ଏବଂ ଦୀପିକା ବେଶ ଜଣାଶୁଣା। ବ୍ୟକ୍ତିଗତ ଜୀବନରେ ମଧ୍ୟ ସେମାନେ ବିଭିନ୍ନ କଥାବସ୍ତୁ ନେଇ ସର୍ବଦା ଲାଇମ ଲାଇଟ୍‌ରେ ରୁହନ୍ତି। ଦୁହେଁ ସୋଶାଲ ମିଡିଆରେ ମଧ୍ୟ ବେଶ ଆକ୍ଟିଭ। ବେଳେବେଳେ ଉଭୟ ନିଜ ସୋଶାଲ ମିଡିଆରେ ହ୍ୟାଣ୍ଡଲରେ ଫଟୋ ଏବଂ ଭିଡିଓ ସେଆର କରନ୍ତି, ଯାହା ତାଙ୍କ ପ୍ରଶଂସକଙ୍କୁ ବେଶ ପସନ୍ଦ ଆସେ। ନିକଟରେ ଏଭଳି ହିଁ ଏକ ଭିଡିଓ ସେଆର କରିଛନ୍ତି ଉଭୟ ରଣବୀର ଏବଂ ଦୀପିକା।

Deepika padukone And Ranveer singh
Bollywood Actress Deepika padukone And Actor Ranveer singh

ଦୀପିକା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ମଜାଦାର ଡ୍ୟାନ୍ସ ଭିଡିଓ ସେଆର କରିଛନ୍ତି। ଏହି ଭିଡିଓରେ ପ୍ରଥମେ ଦୀପିକା ଡ୍ୟାନ୍ସ କରୁଥିବା ବେଳେ ପରେ ରଣବୀରଙ୍କ ମଧ୍ୟ ଏଣ୍ଟ୍ରି ହେଉଛି। ଦୁହେଁ କାଜୁଆଲ ଲୁକ୍‌ରେ ନଜର ଆସିଛନ୍ତି। ଫଙ୍କି ବିଟ୍‌ରେ ଉଭୟଙ୍କ ଫ୍ରି-ଷ୍ଟାଇଲ୍ ଡ୍ୟାନ୍ସ ମୁଭ ଦର୍ଶକଙ୍କ ହୃଦୟ ଜିତି ନେଇଛି। ଏହି ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ଦୀପିକା ରଣବୀରଙ୍କୁ ଟ୍ୟାଗ କରି ସେଆର କରିଛନ୍ତି। ସେ କ୍ୟାପଶନରେ ‘Werk it baby!’ଲେଖିଛନ୍ତି।

ସୂଚନାଯୋଗ୍ୟ ଯେ, ଉଭୟ ରଣବୀର ଏବଂ ଦୀପିକା ପୁଣିଥରେ ଅପକମିଂ ଫିଲ୍ମ ‘୮୩’ରେ ନଜର ଆସିବେ। ଏଥିରେ ରଣବୀର ପୂର୍ବତନ ଭାରତୀୟ କ୍ରିକେଟର୍‌ କପିଳ ଦେବଙ୍କ ଚରିତ୍ରରେ ନଜର ଆସିବେ। ସେହିପରି ଦୀପିକାଙ୍କୁ କପିଲ ଦେବଙ୍କ ପତ୍ନୀ ରୋମି ଦେବଙ୍କ ଭୂମିକାରେ ଦେଖିବାକୁ ମିଳିବ। ବିବାହ ପରେ ରଣବୀର ସିଂହ ଏବଂ ଦୀପିକା ପାଦୁକୋନଙ୍କର ଏହା ପ୍ରଥମ ଫଲ୍ମ।  ନିର୍ଦ୍ଦେଶକ କବୀର ଖାନଙ୍କ ଏହି ଫିଲ୍ମ ଆସନ୍ତା ଜୁନ୍ ୪ ତାରିଖରେ ବଡ ପରଦାରେ ରିଲିଜ ହେବ।

 

View this post on Instagram

 

A post shared by Deepika Padukone (@deepikapadukone)

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।