ଭୁବନେଶ୍ୱର (ଓଡ଼ିଶା ରିପୋର୍ଟର): ଫିଲ୍ମ ରିଲିଜ୍ ହେବା ପୂର୍ବରୁ ଚାଲିଗଲେ ରାଇମୋହନ ପରିଡ଼ା। ବୋଧହୁଏ ଏଇଟା ଶେଷ ଫିଲ୍ମ ହେବ ବୋଲି ସେ ବହୁ ପୂର୍ବରୁ ଜାଣିଥିଲେ! ଯେଉଁଥିପାଇଁ ଖଣ୍ଡା ଓ ଭୁଜାଲି ଧରି ରକ୍ତର ହୋଲି ଖେଳୁଥିବା ରାଇମୋହନ ମୁଣ୍ଡରେ ଲଗାଇଥିଲେ ତିଳକ। ଆଉ ପିନ୍ଧି ଥିଲେ ନାମାବଳୀର ଡ୍ରେସ୍ ସାଙ୍ଗକୁ ଧୋତି। ଆଗାମୀ ଫିଲ୍ମ ‘ଓଁ ସ୍ୱାହା’ରେ ଏହି ଗେଟ୍ଅପ୍ରେ ରାଇମୋହନଙ୍କୁ ଦେଖିବାକୁ ପାଇବେ ଦର୍ଶକ।
[caption id="attachment_744621" align="aligncenter" width="650"]
ସାଥୀ କଳାକାରଙ୍କ ସହିତ ରାଇମୋହନ[/caption]
ଏଲ୍.ଟି. ପ୍ରକ୍ସସନ୍ ପ୍ରଯୋଜନାରେ ତିଆରି ହେଉଛି ନୂଆ ଓଡ଼ିଆ ଚଳଚ୍ଚିତ୍ର ‘ଓଁ ସ୍ୱାହା’। ଏଥିରେ ଡାଏଲଗ ମାଷ୍ଟର ରାଇମୋହନଙ୍କ ଗୁରୁତ୍ୱପୂର୍ଣ୍ଣ ଭୂମିକା ଥିବା ଆଲୋଚନା ହେଉଛି। ତେବେ ପୂରା ଫିଲ୍ମ ସମ୍ପର୍କରେ କିଛି ଜଣାପଡ଼ିନଥିଲେ ମଧ୍ୟ ଚର୍ଚ୍ଚାରେ ରହିଛି ରାଇମୋହନଙ୍କ ଗେଟ୍ଅପ୍।
[caption id="attachment_744622" align="aligncenter" width="650"]
ଫିଲ୍ମର ଗୋଟିଏ ସିନ୍ରେ ରାଇମୋହନ[/caption]
ରାଇମୋହନ ନାମାବଳୀର ଡ୍ରେସ୍ ପିନ୍ଧିଥିବା ବେଳେ ବେକରେ ପକାଇଛନ୍ତି ଉତ୍ତରୀୟ। ବେଶ୍ ଖୁସି ମିଜାଜ୍ରେ ଥିଲା ପରି ଦେଖାଯାଉଛନ୍ତି। ସେ କେତେବେଳେ ସାଥୀ କଳାକାରଙ୍କ ସହିତ ଚରିତ୍ରରେ ଭିଜୁଥିଲେ ତ ଆଉ କେତେବେଳେ ଗପସପ ହେଉଥିବା ଫଟୋରେ ଦେଖିବାକୁ ମିଳିଛି। ରାଇମୋହନଙ୍କ ଦେହାନ୍ତ ପରେ ‘ଓଁ ସ୍ୱାହା’ ଚଳଚ୍ଚିତ୍ରର ଶୁଟିଂ ସେଟ୍ର ଫଟୋ ଗୁଡ଼ିକ ସାମ୍ନାକୁ ଆସିଛି।
[caption id="attachment_744623" align="alignnone" width="650"]
ସୁଟିଂ ପରେ ସାଥୀ କଳାକାରଙ୍କ ସହିତ ଫଟୋ ପୋଜ ଦେଉଛନ୍ତି ରାଇମୋହନ[/caption]
ଆଜି କିନ୍ତୁ ନାହାନ୍ତି ଓଲିଉଡ୍ର ଡାଏଲଗ୍ ମାଷ୍ଟର ରାଇମୋହନ ପରିଡ଼ା। ଶୁକ୍ରବାର ତାଙ୍କ ଝୁଲନ୍ତା ମୃତଦେହ ପୁଲିସ ଉଦ୍ଧାର କରିଛି। ସେ ଆତ୍ମହତ୍ୟା କରିଥିବା ଚର୍ଚ୍ଚା ହେଉଛି। ତାଙ୍କ ମୃତ୍ୟୁରେ ଗୁମୁରୀ କାନ୍ଦୁଛି ଓଲିଉଡ୍। ସାଥୀ କଳାକାର ଓ ତାଙ୍କୁ ଭଲ ପାଉଥିବା ଲୋକମାନେ ତାଙ୍କ ମୃତ୍ୟୁକୁ ସହଜରେ ବିଶ୍ୱାସ କରିପାରୁନାହାନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
