ପାକିସ୍ତାନରେ ‘କ୍ୟା କୁଲ ହେ ହମ୍-୩’ ବ୍ୟାନ୍

ମୁମ୍ବାଇ: ଅଫତାବ ଶିବଜାସନୀ ଓ  ତୁଷାର କପୁର ଅଭିନୀତ ଆଡଲ୍ଟ କମେଡି ‘କ୍ୟା କୁଲ ହେ ହମ୍-୩’ କୁ ପାକିସ୍ତାନରେ ବ୍ୟାନ୍ କରାଯାଇଛି। ପାକିସ୍ତାନର ସେନସର ବୋର୍ଡ କହିଛି ଏହି ଫିଲ୍ମଟି ସାଧାରଣ ଲୋକଙ୍କ ଦେଖିବା ଭଳି ଯୋଗ୍ୟ ନୁହେଁ। ଏଥିରେ ଅରୁଚିକର ଦୃଶ୍ୟ ରହିଛି। ସୋମବାର ସେନସର ବୋର୍ଡର ଏକ ବୈଠକରେ ଏହି ନିଷ୍ପତ୍ତି ହୋଇଛି।

ପାକିସ୍ତାନର ଫିଲ୍ମ ସେନସର ବୋର୍ଡ ମୁଖ୍ୟ ମୋବାଶିର ହାସନ କହିଛନ୍ତି ‘କ୍ୟା କୁଲ ହେ ହମ୍-୩’ରେ ଅନେକ ଅସଡ଼ ଦୃଶ୍ୟ ରହିଛି। ତା’ ସହିତ ଅଭିନେତାମାନେ ଅନେକ ଅଶ୍ଲୀଳ ଓ  ଦ୍ୱିଅର୍ଥ ବୋଧକ  ଶବ୍ଦର ବ୍ୟବହାର କରିଛନ୍ତି।

 ଫିଲ୍ମଟିରେ ନଗ୍ନତା ମଧ୍ୟ ରହିଛି। ଭାରତରେ ‘କ୍ୟା କୁଲ ହେ ହମ୍-୩’ ଭଲ ବ୍ୟବସାୟ କରି ନାହିଁ। ଅକ୍ଷୟ କୁମାରଙ୍କ ‘ଏୟାରଲିଫ୍ଟ’ ସହ ଏକାଦିନେ ଏହି ଫିଲ୍ମ ରିଲିଜ ହୋଇଥିଲା। ‘ଏୟାରଲିଫ୍ଟ’ କିନ୍ତୁ  ଦର୍ଶକଙ୍କ ମନକୁ ପାଇଛି।