‘ମୁନ୍ନା ଭାଇ’ର ଏକ ସିନ୍‌କୁ ରିକ୍ରିଏଟ୍‌ କରାଗଲା; ଦେଖନ୍ତୁ ଭିଡିଓ

ମୁମ୍ବାଇ: ଏଥିରେ କୌଣସି ସନ୍ଦେହ ନାହିଁ ଯେ ରଣବୀର କପୁର ଅଭିନୀତ ଫିଲ୍ମ ‘ସଞ୍ଜୁ’କୁ ସମସ୍ତଙ୍କର ପ୍ରତୀକ୍ଷା ରହିଛି। ଏହି ବାୟୋପିକ୍‌ ନେଇ ଯେବେଠୁ ଘୋଷଣା ହେଲା ସେବେଠୁ ସେ ଚର୍ଚ୍ଚାରେ ଅଛନ୍ତି। ଫିଲ୍ମର ଟ୍ରେଲର ଓ ଗୀତରେ ରଣବୀରଙ୍କ ଲୁକ୍‌ ଓ ଅଭିନୟକୁ ଦର୍ଶକେ ଖୁବ୍‌ ପସନ୍ଦ କରିଛନ୍ତି। ରଣବୀର ଫିଲ୍ମରେ ସଞ୍ଜୟଙ୍କ ଅବିକଳ ଲାଗୁଛନ୍ତି।

ଦର୍ଶକଙ୍କ ଏକ୍ସସାଇଟ୍‌ମେଣ୍ଟକୁ ଆହୁରି ଅଧିକ ବଢ଼ାଇବା ପାଇଁ ନିର୍ଦ୍ଦେଶକ ଫିଲ୍ମର ଏକ ଭିଡିଓ ସେୟାର କରିଛନ୍ତି। ଭିଡିଓରେ ରଣବୀର କପୁରଙ୍କୁ ମୁନ୍ନା ଭାଇଙ୍କ ଚରିତ୍ରରେ ଦେଖିବାକୁ ମିଳିଛି। ସଞ୍ଜୟ ଦତ୍ତଙ୍କ ଏହି ମୁନ୍ନାଭାଇ ଚରିତ୍ର ତାଙ୍କ କ୍ୟାରିୟର ସବୁଠୁ ଲୋକପ୍ରିୟ ଚରିତ୍ର ଗୁଡ଼ିକ ମଧ୍ୟରୁ ଗୋଟିଏ। କ୍ଲିପ୍‌ରେ ରଣବୀର କପୁର ‘ମୁନ୍ନାଭାଇ ଏମ୍‌ବି ବିଏସ୍‌’ ଏକ ସିନ୍‌କୁ ରିକ୍ରିଏଟ୍‌ କରିଥିବା ଦେଖିବାକୁ ମିଳିଛି। ସେଥିରେ ସେ ସେହି ଫିଲ୍ମର ସଞ୍ଜୟ ଦତ୍ତ କହିଥିବା ଡାଏଲଗ୍‌ କହିଛନ୍ତି। ଟିଜର ଦେଖିଲା ପରେ ଆପଣଙ୍କୁ ମୁନ୍ନା ଭାଇଙ୍କ କଥା ନିଶ୍ଚିତ ଭାବେ ମନେ ପଡ଼ିଯିବ।

 

 

This website uses cookies to improve your experience. We'll assume you're ok with this, but you can opt-out if you wish. AcceptRead More