ଭାଇରାଲ ହେଉଛି ଅଭିନେତ୍ରୀଙ୍କ ’ଅର୍ଦ୍ଧନାରୀଶ୍ୱର’ ରୂପ

ମୁମ୍ବାଇ: ଆଜି ପବିତ୍ର ମହାଶିବରାତ୍ରୀ। ଏଥିପାଇଁ ଚାରିଆଡେ ଚଳଞ୍ଚଳର। ସମସ୍ତ ଶିବ ଭକ୍ତିରେ ଲୀନ। ତେବେ ଏଥିରୁ ସେଲିବ୍ରିଟିମାନେ ମଧ୍ୟ ବାଦ ପଡିନାହାନ୍ତି। ବଲିଉଡଠାରୁ ଆରମ୍ଭ କରି ଟେଲି ଦୁନିଆ, ଚାରିଆଡ ଶିବ ଆରାଧନା ଚାଲିଛି, ଭକ୍ତିମୟ ହୋଇପଡିଛି ପୁରା ପରିବେଶ। ଏହାରି ଭିତରେ ଜଣେ ଟେଲିଭିଜନ ଅଭିନେତ୍ରୀ ଏକ ନିଆରା ରୂପ ସାମ୍ନାକୁ ଆସିଛି। ସେ ନିଜକୁ ଭଗବାନ ଶିବଙ୍କ ଅର୍ଦ୍ଧନାରୀଶ୍ୱର ବେଶରେ ସଜାଇଛନ୍ତି।

Actress Ekta Jain
ଅଭିନେତ୍ରୀ ଏକତା ଜୈନ ଅର୍ଦ୍ଧନାରୀଶ୍ୱର ବେଶ ପାଇଁ ମେକଅପ୍ ନେଉଛନ୍ତି।

ଟେଲିଭିଜନ ଅଭିନେତ୍ରୀ ଏକତା ଜୈନଙ୍କୁ ମହାଶିବରାତ୍ରୀ ଅବସରରେ ଅର୍ଦ୍ଧନାରୀଶ୍ୱର ବେଶରେ ଦେଖିବାକୁ ମିଳିଛି। କେବଳ ସେତିକି ନୁହେଁ ବାଇକ ପଛପଟେ ବସି ସେ ହାତରେ ତ୍ରିଶୁଳ ଏବଂ ଡମ୍ବୁରୁ ଧରି ଶୁଟିଂ ସେଟ୍‌କୁ ଯାଉଥିବା ନଜର ଆସିଛନ୍ତି। ଏବେ ତାଙ୍କର ଏହି ଫଟୋ ସୋଶାଲ ମିଡିଆରେ ଜୋରସୋରେ ଭାଇରାଲ ହେବାରେ ଲାଗିଛି।

Ekta jain
ଟେଲି ଅଭିନେତ୍ରୀ ଏକତା ଜୈନ୍

ସୂଚନାଯୋଗ୍ୟ ଯେ, ପ୍ରସିଦ୍ଧ ଭଜନ ଗାୟକ ତଥା ପୂର୍ବତନ ବିଗ୍‌ ବସ୍ ପ୍ରତିଯୋଗୀ ଅନୁପ ଜଲୋଟା ନିକଟରେ ‘ସତ୍ୟ ସାଇ ବାବା’ଙ୍କ ବାୟୋପିକରେ ଅଭିନୟ କରିଥିଲେ। ଏବେ ଏହାର ସିକ୍ୱେଲ ତିଆରି ଚାଲିଛି । ଏହି ବାୟୋପିକ ଫିଲ୍ମରେ ଏକତା ଜୈନ ମଧ୍ୟ ଅଛନ୍ତି। ତାଙ୍କୁ ଏଥିରେ ଏକ ପ୍ରମୁଖ ଭୂମିକାରେ ଦେଖିବାକୁ ମିଳିବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।