ଜଣଙ୍କୁ ହତ୍ୟା କଲା ପରେ ଅନ୍ୟମାନଙ୍କୁ ଛାଡି ଦେଲେ ମାଓବାଦୀ

ଛତିଶଗଡ଼ : ଛତିଶଗଡ଼ ସୁକୁମାରେ ଅଟକ ଗ୍ରାମବାସୀଙ୍କ ମଧ୍ୟରୁ ଜଣଙ୍କୁ ହତ୍ୟା କଲା ପରେ ଅନ୍ୟମାନଙ୍କୁ ଛାଡି ଦେଇଛନ୍ତି ମାଓବାଦୀ। ମିଳିଥିବା ସୂଚନା ଅନୁସାରେ ଟୋଙ୍ଗପାଳ ଥାନା ଅଧୀନରେ ଥିବା ମାରେଙ୍ଗ। ଗାଁରେ ସରକାରୀ ପୋଲ ନିର୍ମାଣକୁ ମାଓବାଦୀ ବିରୋଧ କରୁଥିଲେ। ସେଥିପାଇଁ ସେମାନେ ପୋଲ ନିର୍ମାଣ କରୁଥିବା ୫ ଜଣ ଶ୍ରମିକଙ୍କ ଜଙ୍ଗଲକୁ ନେଇ ଯାଇଥିଲେ।  ତେବେ ସେମାନଙ୍କୁ ମୁକ୍ତ କରିବା ଲାଗି ସ୍ଥାନୀୟ ଅଞ୍ଚଳରୁ ୩ଶହରୁ ଅଧିକ ଲୋକ ଜଙ୍ଗଲକୁ ଯାଇଥିଲେ। ମାଓବାଦୀମାନେ ସେମାନଙ୍କୁ ମଧ୍ୟ ଅଟକ ରଖିଥିଲେ। ପୋଲ ନିର୍ମାଣରେ ଗ୍ରାମବାସୀଙ୍କ ସହଯୋଗକୁ ମାଓବାଦୀମାନେ ଜୋରଦାର ବିରୋଧ କରିବା ସହ ଅପହୃତ ୫ ଶ୍ରମିକଙ୍କ ମଧ୍ୟରୁ ଜଣଙ୍କୁ ହତ୍ୟା କରିଥିଲେ।  ତେବେ ଅନ୍ୟ ଗ୍ରାମବାସୀଙ୍କୁ ଛାଡି ଦେଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଛତିଶଗଡ଼ ଗସ୍ତ ପୂର୍ବରୁ ସୁକମା ଜିଲ୍ଲାରେ ମାଓବାଦୀମାନେ ଗତକାଲି ଏହି କାଣ୍ଡ ଭିଆଇ ଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।