ମସରତ ବିରୋଧରେ ହେବ ଆଇନଗତ କାର୍ଯ୍ୟାନୁଷ୍ଠାନ: ମୁଫତି

ଶ୍ରୀନଗର: ହୁରିୟାତ ନେତା ସୟିଦ ଅଲ୍ଲୀ ଶାହ ଗୀଲାନି ଗତକାଲି ଏଠାରେ କରିଥିବା ରାଲିରେ ଭାରତ ବିରୋଧୀ ନାରାବାଜୀ କରିଥିବା ତଥା ପାକିସ୍ତାନର ପତାକା ଉଡ଼ାଇଥିବା ବିଚ୍ଛିନ୍ନତାବାଦୀ ନେତା ମସରତ ଆଲମ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ଗୁରୁବାର ଜମ୍ମୁ ଓ କାଶ୍ମୀର ମୁଖ୍ୟମନ୍ତ୍ରୀ ମୁଫତି ମହମ୍ମଦ ସୟିଦ କହିଛନ୍ତି । ଏ ନେଇ ନିର୍ଦେଶ ଦେଇ ଦିଆଯାଇଛି ବୋଲି ସେ କହିଛନ୍ତି।

ଏହା ପୂର୍ବରୁ କେନ୍ଦ୍ର ଗୃହ ମନ୍ତ୍ରୀ ରାଜନାଥ ସିଂହ କହିଥିଲେ ଯେ ଉଭୟ ଗୀଲାନି ଓ ମସରତ ଆଲମ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ସେ ଜମ୍ମୁ ଓ କାଶ୍ମୀର ମୁଖ୍ୟମନ୍ତ୍ରୀଙ୍କ ସହିତ କଥା ହୋଇଛନ୍ତି । ବୁଧବାର ରାତିରେ ହିଁ ସେ ଏ ନେଇ ମୁଖ୍ୟମନ୍ତ୍ରୀ ମୁଫତିଙ୍କ ସହିତ ଆଲୋଚନା କରିଥିଲେ।
ଅନ୍ୟପକ୍ଷରେ ମସରତ କହିଛି ଯେ ତାକୁ ଆଉ ଥରେ ଗିରଫ କରାଗଲା ତା’ର କିଛି ଦୁଃଖ ନାହିଁ । ସେ କହିଛି, ‘ମୁଁ ଯାହା କଲି ସେ ନେଇ ମୁଁ ଟିକେ ବି ଅନୁତାପ କରୁନାହିଁ । ଯିଏ ଗିରଫ କରୁଛି କରୁ । ମୋତେ ଗିରଫଦାରୀକୁ ଭୟ ଲାଗେ ନାହିଁ । ମୋ ନାଁରେ ଅନେକ ମାମଲା ରୁଜୁ ହୋଇଛି । ଆଉ ଗୋଟେ ରୁଜୁ ହେବ । ସେଥିରେ ମୋର କିଛି ଯାଏଆସେ ନାହିଁ । ମୋ ସଂଘର୍ଷ ଜାରି ରହିବ।’

ସୂଚନାଯୋଗ୍ୟ, ଜମ୍ମୁ ଓ କାଶ୍ମୀରେ ପିଡିପ-ବିଜେପି ସରକାର ଗଠନ ହେବା ପରେ ପ୍ରଥମ ପଦକ୍ଷେପ ଗ୍ରହଣ ସ୍ୱରୂପ ମୁଖ୍ୟମନ୍ତ୍ରୀ ମୁଫତି ଜେଲରେ ଥିବା ମସରତ ଆଲମଙ୍କୁ ମୁକ୍ତ କରି ଦେଇଥିଲେ । ଏହାକୁ ଭାଜପା ବିରୋଧ କରିଥିଲା । କଂଗ୍ରେସ ସମେତ ଅନ୍ୟ ଦଳ ମଧ୍ୟ ଏହାକୁ ସମାଲୋଚନା କରିଥିଲେ । ତେବେ ମୁଖ୍ୟମନ୍ତ୍ରୀ ମୁଫତି ଭାଜପାକୁ ପ୍ରତିଶ୍ରୁତି ଦେଇଥିଲେ ଯେ ମସରତ ଉପରେ କଡ଼ା ନଜର ରଖାଯିବ । କିନ୍ତୁ ଗତକାଲି ସେ ପାକିସ୍ତାନ ସପକ୍ଷରେ ଓ ଭାରତ ବିରୋଧରେ ନାରାବାଜୀ କଲା ବେଳେ ଏବଂ ପାକିସ୍ତାନର ପତାକା ଉଡ଼ାଇବା ବେଳେ ଜମ୍ମୁ ଓ କାଶ୍ମୀରର ପ୍ରଶାସନ ଓ ପୁଲିସ ମୂକଦର୍ଶକ ସାଜିଥିଲା । ପୁଲିସ୍ କହିଥିଲା, ଏମିତି ସ୍ଥିତିରେ କ’ଣ କରିବାକୁ ହେବ ତାହା ନେଇ ସରକାରଙ୍କର କିଛି ନିଦେ୍ର୍ଧଶ ନାହିଁ।ମସରତ ଘୋର ଭାରତ ବିରୋଧୀ ଭାବେ ଜଣାଶୁଣା ଓ ୨୦୧୦ରେ ରାଜ୍ୟରେ ହୋଇଥିବା ପଥର ମାଡ଼ ଘଟଣାରେ ସେ ଥିଲା ଅନ୍ୟତମ ଷଡ଼ଯନ୍ତ୍ରକାରୀ।

ଆହୁରି ପଢ଼ନ୍ତୁ

ସୀମାରେ ପ୍ରବଳ ଗୁଳିବର୍ଷା, ତୋପର ବ୍ୟବହାର କରୁଛି ପାକିସ୍ତାନ

ମିଳିଲା ନାବାଳିକାଙ୍କ କ୍ଷତବିକ୍ଷତ ମୃତଦେହ, ଦୁଷ୍କର୍ମ ଅଭିଯୋଗ ଆଣିଲେ ପରିବାର

ୟୁପି ପୀଡ଼ିତାଙ୍କ ପରିବାର ଲୋକଙ୍କୁ ମୁହଁ ବନ୍ଦ ରଖିବାକୁ ଡିଏମଙ୍କ ନିର୍ଦ୍ଦେଶ, ଭିଡିଓ ଭାଇରାଲ

ଉତ୍ତର ପ୍ରଦେଶ ପୀଡ଼ିତାଙ୍କ ସହ ଦୁଷ୍କର୍ମ ହୋଇନି ବୋଲି ଦାବି କଲେ ବରିଷ୍ଠ ପୁଲିସ୍‌ ଅଧିକାରୀ

ବରିଷ୍ଠ କଂଗ୍ରେସ ନେତା ଅହମ୍ମଦ ପଟେଲଙ୍କୁ କରୋନା

ଉତ୍ତର ପ୍ରଦେଶ ପରେ ମଧ୍ୟପ୍ରଦେଶ: ନାବାଳିକାଙ୍କୁ ୩ ଜଣଙ୍କ ଗଣଦୁଷ୍କର୍ମ

ତଦନ୍ତରେ ଖୁସି ନାହାନ୍ତି ୟୁପି ଦୁଷ୍କର୍ମ ପୀଡ଼ିତାଙ୍କ ବାପା, ସିବିଆଇ ତଦନ୍ତ ଦାବି

ଲକଡାଉନ: ଟିକେଟ ଟଙ୍କା ଫେରି ପାଇବେ ବିମାନ ଯାତ୍ରୀ

ରାହୁଲ ଗାନ୍ଧିଙ୍କୁ ଅଟକ ରଖିଲା ପୁଲିସ୍‌, ତଳେ ପକାଇ ଲାଠିଚାର୍ଜ ହୋଇଥିବା ଅଭିଯୋଗ

ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୬୩ ଲକ୍ଷ ଡେଇଁଲା, ମୃତ୍ୟୁସଂଖ୍ୟା ପ୍ରାୟ ୯୯ ହଜାର

ସୀମା ଲଙ୍ଘିଲା ପାକିସ୍ତାନ, ଗୁଳି ମାଡ଼ରେ ୩ ଭାରତୀୟ ଯବାନ ସହିଦ

ହାଥରସ୍ ଗଣଦୁଷ୍କର୍ମ ମାମଲା: ଭିଡିଓ ଶେୟାର କରି ବର୍ଷିଲେ ପ୍ରିୟଙ୍କା