ସଥାଶିବମ୍ ହୋଇପାରନ୍ତି ଏନଏଚଆରସି ଅଧ୍ୟକ୍ଷ

ନୂଆଦିଲ୍ଲୀ: ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ତଥା କେରଳ ରାଜ୍ୟପାଳ ପି. ସଥାଶିବମ୍ ହୋଇପାରନ୍ତି ଜାତୀୟ ମାନବାଧିକାର କମିଶନ (ଏନଏଚଆରସି)ର ପରବର୍ତ୍ତୀ ଅଧ୍ୟକ୍ଷ। ବିଶେଷ ସୂତ୍ରରୁ ମିଳିଥିବା ଖବର ଅନୁଯାୟୀ କେନ୍ଦ୍ର ସରକାର ତାଙ୍କ ନାମ ଉପରେ ମୋହର ମାରି ସାରିଛନ୍ତି। ବର୍ତ୍ତମାନ ଏନଏଚଆରସି ଅଧ୍ୟକ୍ଷ ଥିବା କେ.ଜି ବାଲାକ୍ରିଷ୍ଣଙ୍କର କାର୍ଯ୍ୟକାଳ ଆସନ୍ତା ମାସରେ ଶେଷ ହୋଇଯିବ । ତା’ପରେ ସଥାଶିବମ୍ ଏହି ନୂଆ ଦାୟିତ୍ୱ ଗ୍ରହଣ କରିବେ।

ଜଷ୍ଟିସ୍ ସଥାଶିବମଙ୍କୁ ଏନଡିଏ ସରକାରଙ୍କର ଏହା ହେବ ଦ୍ୱିତୀୟ ବଡ଼ ଦାୟିତ୍ୱ। ଗତ ବର୍ଷ ସେପ୍ଟେମ୍ବର ତାଙ୍କୁ କେରଳର ରାଜ୍ୟପାଳ ଭାବେ ନିଯୁକ୍ତି ଦେଇଥିଲେ ମୋଦିଙ୍କ ନେତୃତ୍ୱାଧୀନ ଏନଡିଏ ସରକାର। ଏହାକୁ ନେଇ ବିବାଦ ଦେଖାଯାଇଥିଲା । ସୁପ୍ରିମକୋର୍ଟର ଅନେକ ଅବସରପ୍ରାପ୍ତ ମୁଖ୍ୟ ବିଚାରପତି ଏହାକୁ ନାପସନ୍ଦ କରିଥିଲେ ଓ ଏହା ଏକ ଭଲ ପରମ୍ପରା ନୁହେଁ ବୋଲି କହିଥିଲେ। ତଥାପି ସଥାଶିବମ ରାଜ୍ୟପାଳ ଭାବେ ଶପଥ ନେଇଥିଲେ।

ଏହା ବି ଜଣାପଡ଼ିଛି ଯେ ପ୍ରଥମରୁ ଜଷ୍ଟିସ ସଥାଶିବମ୍ ଏନଏଚଆରସି ଅଧ୍ୟକ୍ଷ ପଦ ପାଇଁ ଆଗ୍ରହୀ ଥିଲେ। ନହେଲେ ଦିଲ୍ଲୀରେ ରହି କାର୍ଯ୍ୟ କରିବା ଭଳି କୌଣସି ପଦପଦବୀ ଚାହୁଁଥିଲେ ସେ। ତେବେ ସେତେବେଳେ ସେମିତି କିଛି ପଦପଦବୀ ଖାଲି ନଥିବା ଯୋଗୁ ସରକାର ତାଙ୍କୁ କେରଳର ରାଜ୍ୟପାଳ ଭାବେ ଥଇଥାନ କରିଥିଲେ ବୋଲି କୁହାଯାଉଛି।

ଆହୁରି ପଢ଼ନ୍ତୁ

ପରଲୋକରେ ବଲିଉଡ ଫିଲ୍ମ ‘ଭିକି ଡୋନର’ର ଅଭିନେତା

ଗୁରୁବାର ଫିଟ୍ ଇଣ୍ଡିଆ ମୁଭମେଣ୍ଟ, ମତ ବିନିମୟ କରିବେ ପ୍ରଧାନମନ୍ତ୍ରୀ

ଡିଜିଟାଲ ଏବଂ ବୈଦ୍ୟୁତିକ ଗଣମାଧ୍ୟମ ଏବେ ‘ୱାର୍କିଙ୍ଗ ଜର୍ଣ୍ଣାଲିଷ୍ଟ’ ପରିଭାଷା ଅନ୍ତର୍ଭୁକ୍ତ

ବିଜେପି ନେତାଙ୍କୁ ଗୁଳି କରି ହତ୍ୟା

କରୋନାରେ ଚାଲିଗଲେ କେନ୍ଦ୍ରମନ୍ତ୍ରୀ

ଲୋନ୍ ନେବା ପାଇଁ ହିନ୍ଦୀ ଜାଣିବା ଦରକାର କହିବା ପରେ ମ୍ୟାନେଜରଙ୍କ ବଦଳି

ସାତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ସୁଶାନ୍ତଙ୍କୁ ହତ୍ୟା କରାଯାଇଥିବାର ସିଧାସଳଖ ପ୍ରମାଣ ନାହିଁ: ରିପୋର୍ଟ

ମାର୍ଚ୍ଚରୁ ଜୁନ୍ ମଧ୍ୟରେ ୨୯ ହଜାର ଜଣଙ୍କର ସଡ଼କ ଦୁର୍ଘଟଣାରେ ମୃତ୍ୟୁ

ରାଜ୍ୟସଭା ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ

ବିଜେପି ନେତାଙ୍କୁ ଗାଁ ଭିତରକୁ ଯିବାକୁ ଦେବୁନି: ଚାଷୀ ସଂଘ

ବିଶ୍ୱର ଶହେ ପ୍ରଭାବଶାଳୀ ନେତାଙ୍କ ମଧ୍ୟରେ ପ୍ରଧାନମନ୍ତ୍ରୀ ମୋଦି