ବିରୋଧ ସତ୍ତ୍ୱେ ନିଟ୍‌ ଓ ଜେଇଇ ପାଇଁ ଆଡମିଟ୍‌ କାର୍ଡ ଡାଉନଲୋଡ କଲେ ୧୭ ଲକ୍ଷ ପରୀକ୍ଷାର୍ଥୀ

ନୂଆଦିଲ୍ଲୀ: ରାଜନୀତିକ ବ୍ୟକ୍ତି ବିଶେଷଙ୍କ ଠାରୁ ଆରମ୍ଭ କରି ସାଧାରଣ ଲୋକଙ୍କ ବିରୋଧ ସତ୍ତ୍ୱେ ନ୍ୟାଶନାଲ ଟେଷ୍ଟିଂ ଏଜେନ୍ସି(ଏନଟିଏ) ଜେଇଇ ଓ ନିଟ୍‌ ପରୀକ୍ଷାର ପ୍ରସ୍ତୁତିକୁ ଆହୁରି ତ୍ୱାରାନ୍ୱିତ କରିଛି। ବୁଧବାର ରାତିରେ ଏନଟିଏ ପକ୍ଷରୁ ଜେଇଇ ଓ ନିଟ୍‌ ପ୍ରବେଶିକା ପରୀକ୍ଷା ପାଇଁ ଆଡମିଟ୍‌ କାର୍ଡ ଜାରି କରିଛି। ଆଡମିଟ୍‌ କାର୍ଡ ଡାଉନଲୋଡ ପାଇଁ ଲିଙ୍କ ସାର୍ବଜନୀନ ହେବା ପରେ ପ୍ରାୟ ୨୩ ଲକ୍ଷ ଆବେଦନକାରୀଙ୍କ ମଧ୍ୟରୁ ୧୭.୫ ଲକ୍ଷ ପରୀକ୍ଷାର୍ଥୀ ଏହାକୁ ଡାଉନଲୋଡ କରି ସାରିଛନ୍ତି।

ଏନଇଟି ଚେୟାରମ୍ୟାନ ବିନୀତ ଯୋଶୀ କହିଛନ୍ତି, ଏହି ଡାଉନଲୋଡ ସଂଖ୍ୟାରୁ ଗୋଟିଏ କଥା ସ୍ପଷ୍ଟ ହୋଇଛି ଯେ ପରୀକ୍ଷାର୍ଥୀମାନେ କରୋନା ସଂକ୍ରମଣ ଭିତରେ ବି ପରୀକ୍ଷା ଦେବାକୁ ବେଶ ଉତ୍ସକତାର ସହ ଅପେକ୍ଷା କରିଛନ୍ତି। ମେଡିକାଲ ପ୍ରବେଶିକେ ପରୀକ୍ଷା ପାଇଁ ମାତ୍ର ୩ ଘଣ୍ଟାରେ ୪ ଲକ୍ଷରୁ ଅଧିକ ଆଡମିଟ କାର୍ଡ ଡାଉନଲୋଡ ହୋଇଛି। ରାତି ୧୨ଟାରେ ଏନଇଟି ପକ୍ଷରୁ ନିଟ୍‌ ପରୀକ୍ଷା ପାଇଁ ଆବଶ୍ୟକ ଆଡମିଟ କାର୍ଡ ଡାଉନଲୋଡ ଲିଙ୍କ ସାର୍ବଜନୀନ କରାଯାଇଥିଲା।

ଇଣ୍ଡିଆନ ଏକ୍ସପ୍ରେସରେ ପ୍ରକାଶିତ ରିପୋର୍ଟ ଅନୁଯାୟୀ, ଲିଙ୍କ ବାହାରକୁ ଆସିବାର ୩ ଘଣ୍ଟା ମଧ୍ୟରେ ୪ ଲକ୍ଷରୁ ଅଧିକ ଶିକ୍ଷାର୍ଥୀ ଏହାକୁ ଡାଉନଲୋଡ କରିଥିଲେ। ଆଜି ଦିନ ୧୨ଟା ମଧ୍ୟରେ ଆହୁରି ଅନେକ ଆଶାୟୀ ନିଜର ପରିଚୟପତ୍ର ଡାଉନଲୋଡ କରିଛନ୍ତି। ନିଟ୍‌ ପରୀକ୍ଷା ୧୩ ସେପ୍ଟେମ୍ବରରେ ହେବ।

ସେହିପରି ଇଞ୍ଜନିୟରିଂ ପାଠ୍ୟକ୍ରମର ପ୍ରବେଶିକା ପରୀକ୍ଷା ଜେଇଇ ମେନ୍‌ ୧ରୁ ୬ ସେପ୍ଟେମ୍ବର ଯାଏ ଅନୁଷ୍ଠିତ ହେବ। ଜେଇଇ ପାଇଁ ମୋଟ ୯ ଲକ୍ଷ ୫୩ ହଜାର ପିଲା ପଞ୍ଜୀକରଣ କରିଥିବା ବେଳେ ନିଟ୍‌ ପାଇଁ ୧୫.୯୭ ଲକ୍ଷ ଶିକ୍ଷାର୍ଥୀ ରେଜିଷ୍ଟ୍ରେସନ କରିଛନ୍ତି।

କରୋନା ସଂକ୍ରମଣ ଭିତରେ ଏହି ଦୁଇ ପରୀକ୍ଷା ଆୟୋଜନ ହେବାକୁ ଥିବାରୁ ଅନେକ ଏହାକୁ ବିରୋଧ କରୁଛନ୍ତି। ଏହାକୁ ନେଇ ରାଜନୀତିକ ବୟାନବାଜୀ ମଧ୍ୟ ଆରମ୍ଭ ହୋଇଯାଇଛି।

ଆହୁରି ପଢ଼ନ୍ତୁ

ଡିଜିଟାଲ ଏବଂ ବୈଦ୍ୟୁତିକ ଗଣମାଧ୍ୟମ ଏବେ ‘ୱାର୍କିଙ୍ଗ ଜର୍ଣ୍ଣାଲିଷ୍ଟ’ ପରିଭାଷା ଅନ୍ତର୍ଭୁକ୍ତ

ବିଜେପି ନେତାଙ୍କୁ ଗୁଳି କରି ହତ୍ୟା

ଲୋନ୍ ନେବା ପାଇଁ ହିନ୍ଦୀ ଜାଣିବା ଦରକାର କହିବା ପରେ ମ୍ୟାନେଜରଙ୍କ ବଦଳି

ସାତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ପାରମ୍ପରିକ ନାଗାଲାଣ୍ଡ ବ୍ୟଞ୍ଜନ ପ୍ରସ୍ତୁତିକୁ ଶେୟାର କଲେ ସ୍ମୃତି ଇରାନୀ

ଦୀପିକା, ରକୁଲ୍, ସାରା, ଶ୍ରଦ୍ଧାଙ୍କୁ ଏନସିବିର ସମନ

ମିଚେଲ୍ ମାର୍ଶ ଆଇପିଏଲରୁ ଆଉଟ୍

ମାର୍ଚ୍ଚରୁ ଜୁନ୍ ମଧ୍ୟରେ ୨୯ ହଜାର ଜଣଙ୍କର ସଡ଼କ ଦୁର୍ଘଟଣାରେ ମୃତ୍ୟୁ

କୃଷି ବିଲ୍: ଶାସକ, ବିରୋଧୀ କେହି କିଛି କମ୍ ନୁହନ୍ତି

ଏକ ଫିଲ୍ମର ଶୁଟିଂ ବେଳୁ ଗଞ୍ଜେଇ ଭର୍ତ୍ତି ସିଗାରେଟ୍ ଟାଣିବା ଅଭ୍ୟାସରେ ପଡ଼ିଯାଇଥିଲେ ସୁଶାନ୍ତ

ଅନୁରାଗଙ୍କ ନାଁରେ ଦୁଷ୍କର୍ମ ମାମଲା ରୁଜୁ

ବିଜେପି ନେତାଙ୍କୁ ଗାଁ ଭିତରକୁ ଯିବାକୁ ଦେବୁନି: ଚାଷୀ ସଂଘ