ଗ୍ୟାଙ୍ଗଷ୍ଟର ବିକାଶ ଦୁବେ ସହ ସମ୍ପର୍କ ରଖିଥିଲେ ୨୦୦ ପୁଲିସ୍‌ କର୍ମଚାରୀ!

କାନପୁର: ଉତ୍ତର ପ୍ରଦେଶ କାନପୁର ଏନକାଉଣ୍ଟର ଘଟଣାରେ ଆଶ୍ଚର୍ଯ୍ୟଚକିତ କରିବା ଭଳି ଘଟଣା ସାମ୍ନାକୁ ଆସିଛି। ଗ୍ୟାଙ୍ଗଷ୍ଟର ବିକାଶ ଦୁବେକୁ ଧରିବାକୁ ଯାଇଥିବା ପୁଲିସ୍‌ ଉପରେ ଅଚାନକ ଗୁଳିମାଡ଼ ହେବାରୁ ଏଥିରେ ୮ ଜଣ ସହିଦ ହୋଇଥିଲେ। ସେହିପରି ବିକାଶ ଦୁବେ ବି ଘଟଣାସ୍ଥଳରୁ ଚମ୍ପଟ ହୋଇଯାଇଛି।

ଏବେ ଖବର ଆସି ପହଞ୍ଚି ଯେ ବିକାଶ ଦୁବେ ସହ ଚାଉବେୟପୁର ପୁଲିସ୍‌ ଷ୍ଟେସନ ସମେତ ଏକାଧିକ ଥାନାର ପ୍ରାୟ ୨୦୦ ଜଣ କମ୍ପଚାରୀ ସମ୍ପର୍କ ରଖିଥିଲେ। ଏବେ ତଦନ୍ତକାରୀ ଅଧିକାରୀ ଖୋଦ୍‌ ନିଜ ବିଭାଗର ଏହି ୨୦୦ ଜଣ କର୍ମଚାରୀଙ୍କ ସମ୍ପର୍କରେ ଖୋଳତାଡ଼ ଆରମ୍ଭ କରିଛି।

ଅନ୍ୟପକ୍ଷରେ ଏନକାଉଣ୍ଟର ପୂର୍ବରୁ ବିକାଶକୁ ଫୋନ କରି ସତର୍କ କରାଇ ଦେଇଥିବା ୧୦ ଜଣ ପୁଲିସ୍‌ କର୍ମଚାରୀଙ୍କୁ ନିଲମ୍ବିତ କରାଯାଇଛି। ଏମାନେ ସମସ୍ତେ ଚାଉବେୟପୁର ପୁଲିସ୍‌ ଷ୍ଟେସନରେ କାମ କରୁଥିଲେ। ସମସ୍ତେ ନିଲମ୍ବିତ ହେବାରୁ ସେମାନଙ୍କ ସ୍ଥାନରେ ରିଜର୍ଭ ପୁଲିସ୍‌ ଲାଇନ୍‌ରୁ ୧୦ ଜଣ କନଷ୍ଟେବଲଙ୍କୁ କାମ କରିବା ପାଇଁ ଥାନାକୁ ପଠା ଯାଇଛି।

କାନପୁର ଆଇଜି ମୋହିତ ଅଗ୍ରୱାଲ କହିଛନ୍ତି, “ଆମେ ଚାଉବେୟପୁର ପୁଲିସ୍‌ ଷ୍ଟେସନକୁ ସ୍କାନରରେ ରଖିଛୁ। ସେହିପରି ପୂର୍ବରୁ ଚାଉବେୟପୁର ଥାନାରେ କାମ କରିଥିବା ଅଧିକାରୀଙ୍କୁ ମଧ୍ୟ ତଦନ୍ତ ପରିସର ଭୁକ୍ତ କରିଛୁ। ଏହି ପୁଲିସ୍‌ କର୍ମଚାରୀମାନେ ବିକାଶ ଦୁବେକୁ ସାହାଯ୍ୟ କରିଥିଲେ ଓ ଏହା ବଦଳରେ ଅନେକ ଫାଇଦା ପାଇଥିଲେ ବୋଲି ସନ୍ଦେହ କରାଯାଉଛି।

ବିକାଶ ଦୁବେକୁ ପୁଲିସ୍‌ ବିଭାଗରେ ସହଯୋଗ କରୁଥିବା କର୍ମଚାରୀଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି। ଚାଉବେୟପୁର, ବିଲହାଉର, କାକୱାନ ଓ ଶିବରାଜପୁର ଥାନାର ପ୍ରାୟ ୨୦୦ କର୍ମଚାରୀ ବିକାଶ ସହ ସମ୍ପର୍କ ରଖିଥିବା ଜଣାପଡ଼ିଛି। ଏହି ସବୁ କର୍ମଚାରୀଙ୍କ ମୋବାଇଲ ଫୋନ୍‌ କଲ୍‌ ରେକର୍ଡ ଯାଞ୍ଚ କରାଯାଉଛି।

କାନପୁର ଏନକାଉଣ୍ଟରର ତଦନ୍ତ କରୁଥିବା ଇନ୍ସପେକ୍ଟର କେକେ ଶର୍ମା କହିଛନ୍ତି, ଜୁଲାଇ ୨ ଅପରାହ୍ନ ୪ଟାରେ ବିକାଶ ଦୁବେ ପୁଲିସ୍‌କୁ ଫୋନ କରି ଧମକ ଦେଇଥିଲା। ଯଦି ବିବାଦ ପୁଲିସ୍‌ ବଢ଼ାଇବ, ତା’ହେଲେ ବିକାରୁ ଗାଁରେ ରକ୍ତର ନଦୀ ବହିବ। ବିକାଶ ଦୁବେର ଧମକ ଶୁଣି ଆମେ ଆଶ୍ଚର୍ଯ୍ୟ ହୋଇଥିଲୁ। ପୁଲିସ୍‌ର ଗତିବିଧି ସମ୍ପର୍କରେ ଖବର ଦେଇଥିବା ଥାନାର କିଛି ଅଫିସର ଓ କନଷ୍ଟେବଲଙ୍କୁ ନିଲମ୍ବିତ କରାଯାଇଛି ବୋଲି ସେ କହିଛନ୍ତି।

ଆହୁରି ପଢ଼ନ୍ତୁ

ଆମେରିକାର ଉପରାଷ୍ଟ୍ରପତି ପ୍ରାର୍ଥୀ ହେଲେ ଭାରତୀୟ ବଂଶୋଦ୍ଭବ ମହିଳା

ସମ୍ମାନିତ ହେଲା କ୍ଷୁଦ୍ର ଚଳଚ୍ଚିତ୍ର ‘ମାସ୍କ’, ମୁଖ୍ୟମନ୍ତ୍ରୀ ଦେଲେ ଶୁଭେଚ୍ଛା

ଚଳନ୍ତା ବସ୍‌ରେ ଲାଗିଲା ନିଆଁ

୮,୭୦୦ କୋଟି ପ୍ରତିରକ୍ଷା ଚୁକ୍ତିକୁ ଅନୁମୋଦନ

‘ନିକମା’ ଭଳି ଶବ୍ଦକୁ ଭୁଲି ଆଗକୁ ବଢ଼ିପାରିବେ ତ ସଚିନ ପାଇଲଟ?

ଆଗାମୀ ଲୋକସଭା ନିର୍ବାଚନରେ କିଏ ହେବେ ବିଜେପିର ପ୍ରଧାନମନ୍ତ୍ରୀ ପ୍ରାର୍ଥୀ?

ରୁଷ ଟିକାର ସୁରକ୍ଷା ଯାଞ୍ଚ କରିବା ଦରକାର ବୋଲି କହିଲା ଏମ୍ସ

ମୁଁ ଶୀଘ୍ର ଫେରିବି କହି ବ୍ରେକ ନେଲେ ସଞ୍ଜୟ ଦତ୍ତ

ଦେଶରେ ମୃତ୍ୟୁହାର ୨% ତଳକୁ ଖସିଲା, ଜାଣନ୍ତୁ ଏବେ କେତେ ପ୍ରତିଶତ ରହିଛି

ରାସ୍ତା କଡ଼ ଦୋକାନୀଙ୍କ ଠେଲା ଗାଡ଼ି ଓଲଟାଇ ଦେଲେ ପୁଲିସ ବାବୁ, ଭିଡିଓ ଭାଇରାଲ

ସୁଶାନ୍ତ ସିଂହ ରାଜପୁତ ମୃତ୍ୟୁ ଘଟଣା: ପୁଲିସର ଦ୍ୱାରସ୍ଥ ହେଲେ ସୁରଜ ପାଞ୍ଚୋଲି

୧୦୨ ଦିନ ପରେ ନ୍ୟୁଜିଲ୍ୟାଣ୍ଡକୁ ଫେରିଲା କରୋନା