ପ୍ରଥମ ପ୍ରଧାନମନ୍ତ୍ରୀ ଭାବେ ମୋଦିଙ୍କ ନାଁରେ ଯୋଡ଼ି ହେଲା ଏହି ୩ ରେକର୍ଡ

ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଆୟୋଜିତ ଭୂମି ପୂଜନ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଯୋଗଦେଇଛନ୍ତି। ଏଥିସହ ସେ ମନ୍ଦିର ନିର୍ମାଣର ଶିଳାନ୍ୟାସ ମଧ୍ୟ କରିବେ। ତେବେ ଦେଶର ପ୍ରଧାନମନ୍ତ୍ରୀ ଭାବେ ଆଜି ମୋଦିଙ୍କ ନାଁରେ ଏହି ୩ଟି ରେକର୍ଡ ସୃଷ୍ଟି ହୋଇଛି।

ଏହାର ଅର୍ଥ ପୂର୍ବରୁ ଭାରତର ପ୍ରଧାନମନ୍ତ୍ରୀ ମାନେ କରିପାରି ନଥିବା କାମ ମୋଦି କରି ଦେଖାଇଛନ୍ତି। ଆସନ୍ତୁ ଜାଣିବା ସେହି ୩ଟି ରେକର୍ଡ କ’ଣ?

୧-ଦେଶର ପ୍ରଥମ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦି ଅଯୋଧ୍ୟାରେ ଥିବା ୧୦ମ ଶତାବ୍ବୀର ହନୁମାନ ଗଢ଼ି ମନ୍ଦିରରେ ପହଞ୍ଚିଛନ୍ତି। ଏଠାରେ ମୋଦି ପୂଜାର୍ଚ୍ଚନା କରିବା ସହ ହନୁମାନ ଗଢ଼ିଙ୍କ ଆର୍ଶୀବାଦ ନେଇଛନ୍ତି। ଏହାପୂର୍ବରୁ ଏଠାକୁ କୌଣସି ପ୍ରଧାନମନ୍ତ୍ରୀ ଯାଇ ନଥିଲେ।

୨-ମୋଦି ଦେଶର ପ୍ରଥମ ପ୍ରଧାନମନ୍ତ୍ରୀ ଭାବେ ରାମ ଜନ୍ମଭୂମିରେ ପହଞ୍ଚିଛନ୍ତି। ଏଠାରେ ଭଗବାନ ରାମ ଜନ୍ମ ଗ୍ରହଣ କରିଥିବା ବିଶ୍ୱାସ ରହିଛି।

୩-ଭାରତୀୟ ସଂସ୍କୃତିକୁ ସଂରକ୍ଷଣ କରିବା ପାଇଁ ନିର୍ମାଣ ହେବାକୁ ଥିବା କୌଣସି ମନ୍ଦିରର ଭୂମି ପୂଜନ କାର୍ଯ୍ୟକ୍ରମରେ ଯୋଗଦେବାରେ ମୋଦି ଦେଶର ପ୍ରଧାନମନ୍ତ୍ରୀ। ଏହାପୂର୍ବରୁ କୌଣସି ପ୍ରଧାନମନ୍ତ୍ରୀ ଏଭଳି କୀର୍ତ୍ତିମାନ ନିଜ ନାଁରେ କରିପାରି ନଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।