ସୀମାରେ ଯୁଦ୍ଧ ପରିସ୍ଥିତି: ଚାଇନାକୁ କଡ଼ା ଟକ୍କର ଦେବାକୁ ୩୦ ହଜାର ଯବାନ ତୟାର

ଲେହ: ଲଦାଖଲର ପ୍ରକୃତ ନିୟନ୍ତ୍ରଣ ରେଖା(ଏଲଏସି) ନିକଟରେ ଚାଇନାର ସବୁ ପ୍ରକାର ହରକତର ଜବାବ ଦେବାକୁ ୩୦ ହଜାର ଅସ୍ତ୍ରଶସ୍ତ୍ର ଖଚିତ ଭାରତୀୟ ଯବାନ ମୁତୟନ ହୋଇଛନ୍ତି। ଜୁନ୍‌ ୧୫ ରକ୍ତାକ୍ତ ସଂଘର୍ଷ ପରେ ଅତିରିକ୍ତ ୩ ବ୍ରିଗେଡ୍ସଙ୍କୁ ସୀମାରେ ମୁତୟନ କରାଯାଇଛି। ସାଧାରଣ ସମୟରେ ଲଦାଖର ଏଲଏସିରେ ୬ ବ୍ରିଗେଡ୍ସ ଯବାନଙ୍କୁ ମୁତୟନ କରାଯାଏ। ସେମାନେ ରୋଟେସନ ଭିତ୍ତିରେ ଇନ୍‌ ଆଉଟ୍‌ ହୁଅନ୍ତି। କିନ୍ତୁ ଜୁନ୍‌ ୧୫ ପରେ ସେନା ପକ୍ଷରୁ ଅତିରିକ୍ତ ୩ ବ୍ରିଗେଡ୍ସ […]

tr

tr

Hemant Lenka
  • Published: Monday, 06 July 2020
  • Updated: 06 July 2020, 12:02 PM IST

Sports

Latest News

ଲେହ: ଲଦାଖଲର ପ୍ରକୃତ ନିୟନ୍ତ୍ରଣ ରେଖା(ଏଲଏସି) ନିକଟରେ ଚାଇନାର ସବୁ ପ୍ରକାର ହରକତର ଜବାବ ଦେବାକୁ ୩୦ ହଜାର ଅସ୍ତ୍ରଶସ୍ତ୍ର ଖଚିତ ଭାରତୀୟ ଯବାନ ମୁତୟନ ହୋଇଛନ୍ତି। ଜୁନ୍‌ ୧୫ ରକ୍ତାକ୍ତ ସଂଘର୍ଷ ପରେ ଅତିରିକ୍ତ ୩ ବ୍ରିଗେଡ୍ସଙ୍କୁ ସୀମାରେ ମୁତୟନ କରାଯାଇଛି।

ସାଧାରଣ ସମୟରେ ଲଦାଖର ଏଲଏସିରେ ୬ ବ୍ରିଗେଡ୍ସ ଯବାନଙ୍କୁ ମୁତୟନ କରାଯାଏ। ସେମାନେ ରୋଟେସନ ଭିତ୍ତିରେ ଇନ୍‌ ଆଉଟ୍‌ ହୁଅନ୍ତି। କିନ୍ତୁ ଜୁନ୍‌ ୧୫ ପରେ ସେନା ପକ୍ଷରୁ ଅତିରିକ୍ତ ୩ ବ୍ରିଗେଡ୍ସ ଯବାନଙ୍କୁ ଡକରା ମିଳିଥିଲା। ପ୍ରତି ବ୍ରିଗେଡ୍ସରେ ୩ ହଜାର ଯବାନ ଅସ୍ତ୍ରଶସ୍ତ୍ର ସହ ରହିଛନ୍ତି। ଅତିରିକ୍ତ ୩ ବ୍ରିଗେଡ୍ସ ପାଇଁ ପ୍ରାୟ ୧୦ ହଜାର ଯବାନଙ୍କୁ ପଞ୍ଜାବ, ହିମାଚଳ ପ୍ରଦେଶ ଓ ଉତ୍ତର ପ୍ରଦେଶରୁ ଏଠାକୁ ଅଣାଯାଇଛି। ଏକ୍ସଆଇଭି କର୍ପସ କମାଣ୍ଡ ଅଧୀନରେ ଏଲଏସିରେ ୩ଟି ଆର୍ମି ଡିଭିଜନର ଯବାନ ମଧ୍ୟ ମୁତୟନ ହୋଇଛନ୍ତି। ଏକ୍ସଆଇଭି ହେଉଛି ଭାରତୀୟ ସେନାର ସବୁଠାରୁ ବଡ଼ କର୍ପସ। ଏହାକୁ ୧୯୬୨ ଚାଇନା ଯୁଦ୍ଧ ବେଳେ ଗଠନ କରାଯାଇଥିଲା।

ସେହିପରି ଏଲଏସିରେ ପାରା କମାଣ୍ଡୋମାନଙ୍କୁ ମୁତୟନ କରାଯାଇଛି। ଏହି ପାରା କମାଣ୍ଡୋମାନେ ୨୦୧୭ରେ ପାକିସ୍ତାନରେ ହୋଇଥିବା ସର୍ଜିକାଲ ଷ୍ଟ୍ରାଇକରେ ସାମିଲ ହୋଇଥିଲେ। ଲଦାଖ ସ୍କାଉଟର ୫ ବାଟାଲିୟନ, ଆର୍ମିର ଗୋଟିଏ ଇନଫାନଟାରୀ ରେଜିମେଣ୍ଟକୁ ମଧ୍ୟ ଆଲର୍ଟରେ ରଖାଯାଇଛି। ଏମାନେ ଜରୁରୀ ପରିସ୍ଥିତିରେ ଯବାନମାନଙ୍କୁ ସମସ୍ତ ପ୍ରକାରର ସହଯୋଗ ଯୋଗାଇବେ।

ଜୁନ୍‌ ୧୫ ସଂଘର୍ଷ ପରେ ସେନା ଯବାନଙ୍କ ରିଏନଫୋର୍ସମେଣ୍ଟ ପାଇଁ ଏମ-୭୭୭ ଅଲଟ୍ରା ଲାଇଟ୍‌ ତୋପ ମଧ୍ୟ ପ୍ରସ୍ତୁତ କରି ରଖାଯାଇଛି। ଏହି ତୋପ ଦ୍ୱାରା ୨୪ରୁ ୩୦ କିମି ଦୂର ମଧ୍ୟରେ ଥିବା ଟାର୍ଗେଟକୁ ବେଶ ସହଜରେ ଧ୍ୱଂସ କରାଯାଇ ପାରିବ।

ବାୟୁସେନା ମଧ୍ୟ ଅସ୍ତ୍ରଶସ୍ତ୍ର ଓ ଯବାନଙ୍କ ଯିବା ଆସିବା ପାଇଁ ସି-୧୭ ଗ୍ଲୋବମାଷ୍ଟର-୩ ମଧ୍ୟ ସୀମାରେ ରଖିଛି। ଏଥିରେ ଯବାନ ଓ ଯୁଦ୍ଧାସ୍ତ୍ର ବ୍ୟତୀତ ଟି-୭୨/ସ-୯୦ ଟ୍ୟାଙ୍କ୍ସକୁ ମଧ୍ୟ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ନିଆଯାଇ ପାରିବ।

ଦୌଲତା ବାଗ ଓଲଡି ଭଳି ଆଗୁଆ ଘାଟିରେ ଯବାନଙ୍କ ସହାୟତା ପାଇଁ ସି-୧୩୦ଜେ ସୁପର ହରକୁଲେସ ଯୁଦ୍ଧ ବିମାନର ବ୍ୟବହାର କରାଯାଉଛି।
ନୌସେନାର ପି-୮ଆଇ ସାଧାରଣତଃ ପ୍ୟାଟ୍ରୋଲିଂ ପାଇଁ ବ୍ୟବହାର ହୋଇଥାଏ। ଏହାକୁ ମଧ୍ୟ ଲଦାଖରେ ସର୍ଭେଲାନ୍ସ ପାଇଁ ବ୍ୟବହାର କରାଯାଉଛି।

ଡୋକଲାମ ବିବାଦ ବେଳେ ଏହା ସର୍ଭେଲାନ୍ସ କାମ କରିଥିଲା। ରୁଷ ଓ ୱେଷ୍ଟର୍ଣ୍ଣ ଡିଫେନ୍ସ ସିଷ୍ଟମ ବ୍ୟତୀତ ଡିଆରଡିଓ ଦ୍ୱାରା ବିକଶିତ ଆକାଶ ମିଜାଇଲ୍‌କୁ ମଧ୍ୟ ସେନା ବ୍ୟବହାର କରୁଛି। ତେଣୁ ଚାଇନାର ମୁକାବିଲା କରିବା ପାଇଁ ଭାରତୀୟ ସେନା ଫୁଲଦମରେ ପ୍ରସ୍ତୁତ ହୋଇ ରହିଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos