ନୂଆଦିଲ୍ଲୀ: ଆମେରିକା ଓ ଉତ୍ତର କୋରିଆ ମଧ୍ୟରେ ତିକ୍ତତା କମିବାର ନାଁ ନେଉ ନାହିଁ। ଉଭୟ ଦେଶ ମଧ୍ୟରେ ଚାଲିଥିବା ବିବାଦ ଆହୁରି ତେଜିବାରେ ଲାଗିଛି। ଇତି ମଧ୍ୟରେ ଉତ୍ତର କୋରିଆରେ ପ୍ରାୟ ୪୭ ଲକ୍ଷ ଲୋକ ସେନାରେ ଭର୍ତ୍ତି ହେବାକୁ ଯାଉଥିବା ନେଇ ଏକ ଖବର ଆସିଛି।
ଉତ୍ତର କୋରିଆର ସରକାରୀ ଗଣମାଧ୍ୟମର ରିପୋର୍ଟ ଅନୁସାରେ, ପ୍ରାୟ ୪୭ ଲକ୍ଷ ଲୋକ ସ୍ୱଇଚ୍ଛାରେ ସେନାରେ ଭର୍ତ୍ତି ହେବା ପାଇଁ ଆଗ୍ରହ ପ୍ରକାଶ କରିଛନ୍ତି। ସେଥିମଧ୍ୟରେ ୧୨.୨ ଲକ୍ଷ ଛାତ୍ରୀ ଓ କର୍ମଜୀବୀ ମହିଳା ରହିଛନ୍ତି।
ଉତ୍ତର କୋରିଆକୁ ସମ୍ପୂର୍ଣ୍ଣ ଭାବେ ନଷ୍ଟ କରିଦେବାକୁ ନିକଟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଧମକ ଦେଇଥିଲେ। ତେବେ ଉତ୍ତର କୋରିଆର ଶାସକ କିମ୍ ଜୋଙ୍ଗ୍-ଉନ୍ ଟ୍ରମ୍ପଙ୍କ ଏହି ଧମକକୁ ଦୃଢ଼ ଭାବେ ନିନ୍ଦା କରିଥିଲେ। ସେ କହିଥିଲେ,“ଟ୍ରମ୍ପ ପାଗଳ ହୋଇଗଲେଣି। ଆମେରିକା କରିଥିବା ବେଇଜିତିର ଜବାବ ଦୃଢ଼ ଭାବେ ଦିଆଯିବ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
