କୋଲକାତା: ପଶ୍ଚିମବଙ୍ଗରେ କ୍ଷମତାସୀନ ଟିଏମସିକୁ ବିଜେପି ଗୋଟିଏ ପରେ ଗୋଟିଏ ଝଟ୍କା ଦେଇ ଚାଲିଛି। ଆଜି ପୁଣିଥରେ ଟିଏମସିର ଜଣେ ବିଧାୟକ ଓ ୧୨ ଜଣ କାଉନସିଲ୍ର ପଦ୍ମ ଧରିଛନ୍ତି। ବୋନଗାଓଁର ଟିଏମସି ବିଧାୟକ ବିଶ୍ୱଜିତ୍ ଦାସ ନୂଆଦିଲ୍ଲୀରେ ଆୟୋଜିତ ଏକ ମିଶ୍ରଣ ପର୍ବରେ ବିଜେପିରେ ସାମିଲ ହୋଇଛନ୍ତି।
ତାଙ୍କୁ ଦଳକୁ ସ୍ୱାଗତ କରିବା ପାଇଁ ବିଜେପିର ବରିଷ୍ଠ ନେତା କୈଳାସ ବିଜୟଭର୍ଗିୟା ଓ ମୁକୁଲ ରୟ ଉପସ୍ଥିତ ରହିଥିଲେ। ବିଶ୍ୱଜିତଙ୍କ ବ୍ୟତୀତ ଟିଏମସିର ୧୨ ଜଣ କାଉନସିଲର ଓ କଂଗ୍ରେସ ମୁଖପାତ୍ର ପ୍ରସନ୍ନଜିତ ଘୋଷ ମଧ୍ୟ ପଦ୍ମ ଧରିଛନ୍ତି। ଗତକାଲି ନୋପାରର ଟିଏମସି ବିଧାୟକ ସୁନୀଲ ସିଂହ, ୧୫ ଜଣ ଟିଏମସି କାଉନସିଲର ଓ ଜଣେ କଂଗ୍ରେସ କାଉନସିଲର ବିଜେପିରେ ଯୋଗଦେଇଥିଲେ।