ଭୁଶୁଡ଼ି ପଡ଼ିଲା ବିରାଟକାୟ ବିଲଡିଂ, ୭୦ ଜଣ ଫସିଥିବା ଆଶଙ୍କା

ମୁମ୍ବାଇ: ଗୋଟିଏ ପରେ ଗୋଟିଏ ବିପତ୍ତି ମହାରାଷ୍ଟ୍ରକୁ କଲବଲ କରିବାରେ ଲାଗିଛି। କରୋନା ସଂକ୍ରମଣ ଯୋଗୁ ଆଉଟ ପାଉଟ ହେଉଥିବା ମହାରାଷ୍ଟ୍ରରେ ଆଜି ପୁଣି ଥରେ ଗୋଟିଏ ବଡ଼ ଦୁର୍ଘଟଣା ଘଟିଛି। ରାଇଗଡ଼ ଜିଲ୍ଲାର ମାହାଦ ସହରରେ ଥିବା ଏକ ବିରାଟକାୟ ବିଲଡିଂ ଆଜି ହଠାତ୍‌ ଭୁଶୁଡ଼ି ପଡ଼ିଛି। ବିଲଡିଂଟି ୫ ମହଲା ବିଶିଷ୍ଟ ଥିବା କିଛି ଗଣମାଧ୍ୟମ ଖବର ପ୍ରକାଶ କରିଛନ୍ତି।

ବିଲଡିଂ ଭୁଶୁଡ଼ି ପଡ଼ିବାରୁ ଏହା ତଳେ ପ୍ରାୟ ୭୦ ଜଣ ଲୋକ ଚାପି ହୋଇ ରହିଥିବା ଆଶଙ୍କା କରାଯାଉଛି। ଖବର ପାଇ ୩ଟି ଏନଡିଆରଏଫ ଟିମ୍‌ ଓ ଅନ୍ୟାନ୍ୟ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ବର୍ତ୍ତମାନ ସୁଦ୍ଧା ୧୫ ଜଣଙ୍କୁ ଧ୍ୱଂସାବଶେଷ ତଳକୁ ଉଦ୍ଧାର କରାଯାଇଛି। ତେବେ ସେମାନଙ୍କ ମଧ୍ୟରୁ ଅଧିକାଂଶ ଲୋକଙ୍କ ଅବସ୍ଥା ସଙ୍କଟାପନ୍ନ ଥିବା କୁହାଯାଉଛି।

ରିପୋର୍ଟ ଲେଖାହେବା ବେଳକୁ ପ୍ରକୃତ କ୍ଷୟକ୍ଷତି ସମ୍ପର୍କରେ ବିସ୍ତୃତ ସୂଚନା ମିଳିନାହିଁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।