ନୂଆଦିଲ୍ଲୀ: କିଡ୍ନୀ ପ୍ରତିରୋପଣ କରିଥିବା କେନ୍ଦ୍ର ଅର୍ଥମନ୍ତ୍ରୀ କାହାକୁ କିଛି ନ ଜଣାଇ ଗୋପନୀୟ ଢଙ୍ଗରେ ପୁଣିଥରେ ଚିକିତ୍ସା ପାଇଁ ଆମେରିକା ଯାଇଥିବା ଜଣାପଡ଼ିଛି। ୨୦୧୮ ମସିହା ମେ’ ୧୪ରେ କିଡ୍ନୀ ପ୍ରତିରୋପଣ କରିବାର ୯ ମାସ ପର୍ଯ୍ୟନ୍ତ ଶ୍ରୀ ଜେଟଲୀ ବିଦେଶ ଗସ୍ତ କରି ନଥିଲେ। ଗତବର୍ଷ ଏପ୍ରିଲରେ ଲଣ୍ଡନଠାରେ ଅନୁଷ୍ଠିତ ହୋଇଥିବା ୧୦ମ ଭାରତ-ବ୍ରିଟେନ୍ ଅର୍ଥନୀତିକ ଆଲୋଚନାକୁ ମଧ୍ୟ ସେ ଅସୁସ୍ଥତା କାରଣରୁ ଯାଇ ନଥିଲେ।
ମିଳିଥିବା ସୂଚନା ଅନୁଯାୟୀ, ରବିବାର ରାତିରେ ଶ୍ରୀ ଜେଟଲୀ ଚିକିତ୍ସା ପାଇଁ ଆମେରିକା ଯାଇଛନ୍ତି। ତେବେ ସେ କେବେ ଫେରିବେ ଏବଂ କେଉଁ ଚିକିତ୍ସା ପାଇଁ ହଠାତ ଆମେରିକା ଯାଇଛନ୍ତି ତାହା ଜଣାପଡ଼ିନି।
ଫେବୃଆରୀ ୧ରେ କେନ୍ଦ୍ର ସରକାରଙ୍କ ପକ୍ଷରୁ ଅର୍ଥମନ୍ତ୍ରୀ ଜେଟଲୀ ବଜେଟ୍ ଉପସ୍ଥାପନ କରିବାର କାର୍ଯ୍ୟକ୍ରମ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।