ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଖାଲିଦାଙ୍କ ବିରୋଧରେ ଦେଶଦ୍ରୋହ ମାମଲା

ଢ଼ାକା: ୧୯୭୧ରେ ମୁକ୍ତି ସଂଗ୍ରାମରେ ସହିଦଙ୍କ ସଂଖ୍ୟାକୁ ନେଇ ପ୍ରଶ୍ନ ଉଠାଇ ଥିବା ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ବେଗମ୍ ଖାଲିଦା ଜିୟାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରାଯାଇଛି। ଜଣେ ଆଇନଜୀବୀଙ୍କ କହିବାନୁସାରେ, ସୋମବାର ତାଙ୍କୁ ଗିରଫ କରାଯିବା ନେଇ ମେଟ୍ରୋପଲିଟିଆନ୍ ମାଜିଷ୍ଟ୍ରେଟରେ ଅପିଲ କରାଯାଇ ମାମଲା ରୁଜୁ ହୋଇଥିଲା। ତାଙ୍କ ଗିରଫ ଲାଗି ୱାରେଣ୍ଟ ଜାରି କରାଯିବାକୁ ହୋଇଥିବା ଅପିଲ ଉପରେ ପରେ ଶୁଣାଣି କରାଯିବ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି।

ଗତକାଲି ଗୃହ ମନ୍ତ୍ରଣାଳୟ ତାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରିବା ପାଇଁ ଅନୁମତି ଦେଇଥିଲେ। ଏ ନେଇ ଆଜି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ସୁପ୍ରିମକୋର୍ଟଙ୍କ ଅଭିବକ୍ତା ମୁମତାଜଉଦ୍ଦିନ୍ ଅହମ୍ମଦ ମେହଦି ଡିସେମ୍ବର ୨୭ରେ ବାଂଲାଦେଶ ଦଣ୍ଡ ବିଧାନ ଧାରା ୧୨୩ (ଏ) ଅନୁଯାୟୀ ଖାଲିଦାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରିବାକୁ କହିଥିଲେ। ମାଜିଷ୍ଟ୍ରେଟ ପୋଲିସକୁ ଏହାର ଯାଞ୍ଚ କରିବାକୁ ନିର୍ଦ୍ଦେଶ ଦେବା ସହ ଅଭିଯୋଗକାରୀଙ୍କୁ ମାମଲା ରୁଜୁ ଲାଗି ସରକାରଙ୍କ ଅନୁମତି ଆଣିବାକୁ କହିଥିଲେ। ବାଂଲାଦେଶ ଆଇନ ଅନୁସାରେ ମାମଲା ରୁଜୁ ପାଇଁ ସରକାରଙ୍କ ଅନୁମତି ଆଣିବା ଅପରିହାର୍ଯ୍ୟ ଥିଲା।

ଗତବର୍ଷ ଡିସେମ୍ୱର ୨୧ରେ ଖାଲିଦା ୧୯୭୧ ମୁକ୍ତି ସଂଗ୍ରାମରେ ସହିଦଙ୍କ ସଂଖ୍ୟା ଉପରେ ଆଶଙ୍କା ପ୍ରକାଶ କରିଥିଲେ। ସେ କହିଥିଲେ ‘ମୁକ୍ତି ସଂଗ୍ରାମରେ କେତେ ଲୋକ ସହିଦ ହୋଇଥିଲେ ତାହା ବିବାଦରେ ରହିଛି। ଏହି ବିବାଦକୁ ନେଇ ବହୁ କାଗଜପତ୍ର ଓ ବହି ରହିଛି’। ବିଏନପି କଟ୍ଟରପନ୍ଥୀଜାତ-ଏ-ଇସଲାମ ଖାଲିଦାଙ୍କ ମୁଖ୍ୟ ସହଯୋଗୀ ଅଛି। ଜମାତ ପାକିସ୍ତାନ ଓ ବାଂଲାଦେଶ ବିଭାଜନକୁ ବିରୋଧ କରିଥିଲେ। ଶାସନ ଗାଦିରେ ଥିବେ ଅୱାମୀ ଲିଗ, ମୁକ୍ତି ସଂଗ୍ରାମରେ ସାମିଲ ହୋଇଥିବା ଓ ସହିଦଙ୍କ ପରିବାରଙ୍କ ପକ୍ଷରୁ ଖାଲିଦାଙ୍କ ଏପରି ଟିପ୍ପଣୀ ଉପରେ ଆପତ୍ତି ଉଠାଯାଇଥିଲା। ଏପରି କି କିଛି ତାଙ୍କୁ ପାକିସ୍ତାନର ଏଜେଣ୍ଟ ବୋଲି ମଧ୍ୟ କହିଥିଲେ।

ଆହୁରି ପଢ଼ନ୍ତୁ

ଆଉ ଜଣେ କେନ୍ଦ୍ର ମନ୍ତ୍ରୀଙ୍କୁ କରୋନା

୨୦ ମିନିଟ୍‌ରେ ୩ ମାସର ବର୍ଷା: ମୁଖ୍ୟ ରାସ୍ତାରେ ଭାସିଲା ଗାଡ଼ି, ଭାଙ୍ଗିଲା ଘର

ଅପରାହ୍ଣ ୫ଟାରେ ଟିଭି ବତର୍କରେ ଭାଗ ନେଇଥିଲେ, ସନ୍ଧ୍ୟା ବେଳେ ଆସିଲା ମୃତ୍ୟୁ ଖବର

ଲଦାଖରେ ମୁତୟନ ହେଲା ଦୁଇଟି ଲଢ଼ୁଆ ହେଲିକପ୍ଟର

ଆଉ ଜଣେ କେନ୍ଦ୍ରମନ୍ତ୍ରୀଙ୍କୁ କରୋନା

ଭାରତରେ କମ୍ପାନୀ ଖୋଲି ବେଆଇନ କାମରେ ଲିପ୍ତ ଥିବା ଚାଇନିଜ ନାଗରିକ ଗିରଫ

ଫେସବୁକ ପୋଷ୍ଟରୁ ଜଳିଲା ବେଙ୍ଗାଲୁରୁ: ଦଙ୍ଗାକାରୀଙ୍କ ଠାରୁ କ୍ଷତିପୂରଣ ଆଦାୟ କରିବେ ସରକାର

୬ ଦିନ ହେଲା ୬ ବର୍ଷୀୟ ଶିଶୁର ଦୁଷ୍କର୍ମକାରୀକୁ ପାଉନି ପୁଲିସ୍, ଜାରି କଲା ଫଟୋ

୩୮ ଜଣଙ୍କ ଉପରେ ହୋଇଛି ରୁଷ କରୋନା ଟିକାର ପରୀକ୍ଷଣ, ଏମାନଙ୍କ ଉପରେ ହେବନି ପ୍ରୟୋଗ

କରୋନା ବେଳେ ୬୪% ଦିବ୍ୟାଙ୍ଗ ଆର୍ଥିକ ସଙ୍କଟ ଦେଇ ଗତି କରୁଛନ୍ତି: ସର୍ଭେ

ବିଶ୍ୱର ପ୍ରଥମ କରୋନା ଟିକାର ସୁରକ୍ଷା ନେଇ ଉଠିଲା ପ୍ରଶ୍ନ, ଜବାବ ରଖିଲା ରୁଷ

ବିଗିଡିବାରେ ଲାଗିଛି ପ୍ରଣବ ମୁଖାର୍ଜୀଙ୍କ ସ୍ୱାସ୍ଥ୍ୟାବସ୍ଥା