ନୂଆଦିଲ୍ଲୀ: ଦୀର୍ଘ ୩୪ ବର୍ଷ ପରେ ବୁଧବାର ନୂଆ ଶିକ୍ଷା ନୀତିକୁ ମୋଦି ସରକାରଙ୍କ କ୍ୟାବିନେଟ ଅନୁମୋଦନ ଦେଇଛି। ଏହି ଶିକ୍ଷାନୀତିରେ ବ୍ୟାପକ ପରିବର୍ତ୍ତନ କରାଯାଇଛି। ଏହା ଭିତରେ ଗୋଟିଏ ଐତିହାସିକ ପରିବର୍ତ୍ତନ ହେଉଛି ବୋର୍ଡ ପରୀକ୍ଷା। ବୋର୍ଡ ପରୀକ୍ଷାର ଚାପ ଓ ଗୁରୁତ୍ୱକୁ ପିଲାଙ୍କ ଉପରକୁ ହ୍ରାସ କରିବା ପାଇଁ କେନ୍ଦ୍ର ସରକାର ବ୍ୟାପକ ବ୍ୟବସ୍ଥା କରିଥିବା ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିୟାଲ କହିଛନ୍ତି।
ଏକ ଗଣମାଧ୍ୟମକୁ ସାକ୍ଷାତକାର ଦେଇ ସେ କହିଛନ୍ତି, ଏଣିକି ୧୦ ଓ ୧୨ମ ଶ୍ରେଣୀର ବୋର୍ଡ ପରୀକ୍ଷାକୁ ଅଧିକ ସହଜ କରାଯାଇଛି ଓ ଛାତ୍ରଛାତ୍ରୀମାନେ ବର୍ଷକ ଦୁଇ ଥର ବୋର୍ଡ ପରୀକ୍ଷା ଦେବେ। ପିଲାମାନଙ୍କ ଦକ୍ଷତାକୁ ଅଧିକ ଗୁରୁତ୍ୱ ଦିଆଯିବ। ଦକ୍ଷତାକୁ ଗୁରୁତ୍ୱ ଦେବାକୁ ନୂଆ ଶିକ୍ଷାନୀତିରେ ବ୍ୟବସ୍ଥା କରାଯାଇଛି। ଏହାଦ୍ୱାରା ପିଲାମାନେ କେବଳ ବହି ପଢ଼ା କିମ୍ବା କୋଚିଂ ସେଣ୍ଟର ଉପରେ ଅଧିକ ନିର୍ଭର କରିବେ ନାହିଁ ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
