କ୍ୟାମେରାରେ କଏଦ ହେଲା ପାକ ବିମାନ କ୍ରାଶ୍‌ ବେଳର ଦୃଶ୍ୟ

କରାଚି: ପାକିସ୍ତାନ ଅନ୍ତର୍ଜାତୀୟ ଏୟାର ଲାଇନ୍ସର ଏକ ଯାତ୍ରୀବାହୀ ବିମାନ ଶୁକ୍ରବାର ଲାହୋରରୁ କରାଚି ଆସୁଥିବା ବେଳେ ଭୟଙ୍କର ଦୁର୍ଘଟଣାର ସମ୍ମୁଖୀନ ହୋଇଛି। ଲ୍ୟାଣ୍ଡିଂ କରିବାର ଠିକ ଗୋଟିଏ ମିନିଟ୍‌ ପୂର୍ବରୁ ଏହା ଏୟାରପୋର୍ଟ ନିକଟରେ ଥିବା ଜନବସିତ ଅଞ୍ଚଳରେ ଖସି ପଡ଼ିଛି।

ଦୁର୍ଘଟଣା ଏତେ ଭୟଙ୍କର ଥିଲା ଯେ ଏଥିରେ ୫୭ ଜଣଙ୍କ ମୃତ୍ୟୁ ଘଟିଛି। ବିମାନଟିରେ ପ୍ରାୟ ୯୮ ଜଣ ସଦସ୍ୟ ରହିଥିଲେ। ସେହିପରି ବିମାନଟି କିଛି ବିଲଡିଂ ଉପରେ ଖସି ପଡ଼ିଥିବାରୁ ସେଠାକାର ଲୋକମାନେ ମଧ୍ୟ ଏହି କ୍ରାଶରେ କ୍ଷତିଗ୍ରସ୍ତ ହୋଇଛନ୍ତି।

ଏବେ ବିମାନଟି କ୍ରାଶ କରିବା ବେଳର ଦୃଶ୍ୟ ସିସିଟିଭ ଫୁଟେଜରେ ରେକର୍ଡ ହୋଇଛି। ଏଥିରେ ବିମାନଟି ତଳମୁହାଁ ହୋଇ ଯିବା ସହ ବିଲଡିଂରେ ଧକ୍କା ହୋଇ ତଳକୁ ଖସି ପଡ଼ିଥିବା ଦେଖିବାକୁ ମିଳୁଛି। ଏହାର କିଛି ସେକେଣ୍ଡ ପରେ ସମଗ୍ର ଅଞ୍ଚଳରେ ନିଆଁ ଲାଗିବା ସହ ପ୍ରବଳ ଧୂଆଁ ବାହାରିଥିଲା। କଳା ଧୂଆଁ ପୂରା ଅଞ୍ଚଳକୁ ଆଚ୍ଛାଦିତ କରିଦେଇଥିଲା।


ସ୍ଥାନୀୟ ଅଞ୍ଚଳର ଲୋକଙ୍କ କହିବା ଅନୁଯାୟୀ, ବିମାନଟି ପ୍ରଥମେ ଏକ ମୋବାଇଲ ଟାୱାରରେ ମାଡ଼ ହୋଇଥିଲା। ଏହାପରେ ମଲଇର ସ୍ଥିତ ମଡେଲ କଲୋନରେ ଥିବା ଜିହ୍ନା ଗାର୍ଡେନ ଅଞ୍ଚଳରେ ଥିବା ଘର ଗୁଡ଼ିକ ଉପରେ ଖସି ପଡ଼ିଥିଲା। ବିମାନ କ୍ରାଶ ହେବା ପରେ ସେଠାରେ ଥିବା ଘର ଓ ଗାଡ଼ି ଗୁଡ଼ିକରେ ନିଆଁ ଲାଗିଯାଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।