ନୂଆଦିଲ୍ଲୀ: ପୁଣି ପାକିସ୍ତାନ ସେନାର ଅସ୍ତ୍ରବିରତି ଉଲ୍ଲଙ୍ଘନ। ସାଧାରଣ ଲୋକଙ୍କୁ ଟାର୍ଗେଟ କରି ଭାରତୀୟ ସୀମାରେ ମୋର୍ଟାର ମାଡ କରିଛି ପାକ୍ ସେନା। ଗୁଳିମାଡରେ ୩ଜଣ ଲୋକଙ୍କ ମୃତ୍ୟୁ ଘଟିଛି। ଏଥିସହ ୮ରୁ ଅଧିକ ଲୋକ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଦୁଇଜଣ ନାବାଳକ ଅଛନ୍ତି । ଭାରତୀୟ ସେନା ପକ୍ଷରୁ ଏହାର କଡା ଜବାବ ଦିଆଯାଇଛି । କୁପୱାରାରେ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମକୁ ଭାରତୀୟ ସେନା ପକ୍ଷରୁ ପଣ୍ଡ କରାଯାଇଥିଲେ ମଧ୍ୟ ଭାରତର ଚେତାବନୀକୁ ପାକିସ୍ତାନ ବାରମ୍ବାର ଅଣଦେଖା କରିଆସୁଛି ।
ପୁଞ୍ଚ୍ ସେକ୍ଟରରେ କେରୀ ଓ ଦିବଗର ଅଞ୍ଚଳରେ ପାକ୍ ସେନା ପକ୍ଷରୁ ଆଜି ସକାଳେ ଗୁଳି ମାଡ଼ ହୋଇଥିଲା। ଏଥିଯୋଗୁ ଶାହାପୁର, କ୍ରେନି ଓ କସବା ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି। କିଛି ସ୍ଥାନରେ ଜଂଗଲରେ ନିଆଁ ଲାଗିଯାଇଛି । କୁପୱାରା ଜିଲ୍ଲାର ଟଙ୍ଗଧର ସେରରେ ୪ରୁ୫ଜଣ ଆତଙ୍କାବାଦୀ ଭାରତର ସୀମା ଭିତରକୁ ପଶିବାକୁ ଚେଷ୍ଟା କରିଥିଲେ ସେନା ପକ୍ଷରୁ କିନ୍ତୁ ଏହାର କଡା ଜବାବ ଦିଆଯାଇଥିଲା । ସେନାର ଗୁଳିମାଡରେ ଜଣେ ଆତଙ୍କବାଦୀର ମୃତ୍ୟୁ ଘଟିଛି। ପୁରା ଅଂଚଳକୁ କର୍ଡନ କରି ସେନା ପକ୍ଷରୁ ଅପରେସନ ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
