ମୋଦିଙ୍କ ବିସ୍ତାରବାଦ ବୟାନର ଜବାବ ଦେଲା ଚାଇନା

ନୂଆଦିଲ୍ଲୀ: ଲଦାଖରେ ଚାଇନା ନାଁ ନ ନେଇ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବେଜିଂକୁ ତୀବ୍ର ସମାଲୋଚନା କରିଥିଲେ। ମୋଦି ଚାଇନାର ବିସ୍ତାରବାଦ ନୀତିକୁ ଟାର୍ଗେଟ କରି ଏହା ସାରା ବିଶ୍ୱ ପାଇଁ ବିପଦ ବୋଲି କହିଥିଲେ। ଏବେ ଚାଇନା ପକ୍ଷରୁ ଏହାର ଜବାବ ଦିଆଯାଇଛି। ମୋଦିଙ୍କ ବିସ୍ତାରବାଦ ନୀତି ବୟାନ ସଂପୂର୍ଣ୍ଣ ଭାବେ ଭିତ୍ତିହୀନ ବୋଲି ଚାଇନା କହିଛି।

ଚାଇନା ଦୂତାବାସ ମୁଖପାତ୍ର ଜି ରୋଙ୍ଗ କହିଛନ୍ତି, ଚାଇନା ବେଶ ଶାନ୍ତିପୂର୍ଣ୍ଣ ବୁଝାମଣା ସହ ୧୪ ପଡ଼ୋଶୀଙ୍କ ମଧ୍ୟରୁ ୧୨ ରାଷ୍ଟ୍ର ସହ ସୀମା ନିର୍ଦ୍ଧାରଣ କରିଛି। ଚାଇନା ସର୍ବଦା ସୀମା ସମ୍ପର୍କକୁ ବନ୍ଧୁତାରେ ପରିଣତ କରିପାରିଛି। ଚାଇନାକୁ ବିସ୍ତାରବାଦ କହିବା ସଂପୂର୍ଣ୍ଣ ଭାବେ ଭିତ୍ତିହୀନ। ଏଭଳି ବୟାନ କେବଳ ଅତିରଞ୍ଜିତ ଓ କପୋଳକଳ୍ପିତ। ଚାଇନା କେବେ ହେଲେ ବିସ୍ତାରବାଦ ନୀତି ପାଇଁ ପଡ଼ୋଶୀଙ୍କ ସହ ବିବାଦ ସୃଷ୍ଟି କରେନାହିଁ। କେବଳ ବିବାଦକୁ ଅତିରଞ୍ଜ କରିବା ପାଇଁ ଏଭଳି ବୟାନ ଦିଆଯାଉଛି ବୋଲି ସେ କହିଛନ୍ତି।

ଏହାପୂର୍ବରୁ ଚାଇନା ବୈଦେଶିକ ମନ୍ତ୍ରଣାଳୟର ମୁଖପାତ୍ର ଝାଓ ଲିଜିଆନ କହିଥିଲେ ଉତ୍ତେଜନା ହ୍ରାସ କରିବା ପାଇଁ ଭାରତ ଓ ଚାଇନା ଆଲୋଚନା ଓ ବୁଝାମଣା ଜାରି ରଖିଛନ୍ତି। ଉଭୟ ପ୍ରତିରକ୍ଷା ଓ କୂଟନୀତିକ ସ୍ତରରେ ଆଲୋଚନା ଚାଲିଛି। ଏହି ସମୟରେ ଦୁଇ ଦେଶ ଶାନ୍ତି ବଜାୟୀ ରଖିବା ଦରକାର। ସେମାନେ ଏମିତି କିଛି କାମ ନ କରନ୍ତୁ, ଯାହା ଦ୍ୱାରା ସୀମାରେ ତିକ୍ତତା ଅଧିକ ତୀବ୍ର ହେବ। ସବୁ ପ୍ରକାରର ସମସ୍ୟା ଆଲୋଚନା ଦ୍ୱାରା ସମାଧାନ ହୋଇପାରିବ ବୋଲି ସେ କହିଛନ୍ତି।

ଜୁନ୍‌ ୧୫ରେ ଭାରତ ଓ ଚାଇନାର ଯବାନ ଗଲୱାନ ଉପତ୍ୟକାରେ ମୁହାଁମୁହିଁ ହୋଇଥିଲେ। ଏଥିରେ ୨୦ ଜଣ ଭାରତୀୟ ଯବାନ ସହିଦ ହୋଇଥିଲା। ସେବେଠାରୁ ଚାଇନା ଲଦାଖର ବିଭିନ୍ନ ସୀମାନ୍ତ ଅଞ୍ଚଳରେ ଭାରତକୁ ନାଲି ଆଖି ଦେଖାଇ ଚାଲିଛି। ଏସବୁ ଭିତରେ ଆଜି ମୋଦି ହଠାତ୍‌ ସମୁଦ୍ର ପତନ ଠାରୁ ପ୍ରାୟ ୧୧ ହଜାର ଫୁଟ ଉପରେ ଥିବା ଲଦାଖର ନିମୁ କ୍ୟାମ୍ପରେ ପହଞ୍ଚି ସୀମା ସୁରକ୍ଷାରେ ସ୍ଥିତି ସୀମାକ୍ଷା କରିଛନ୍ତି। ଏଥିସହ ଯବାନଙ୍କ ବୀରତ୍ୱକୁ ବି ପ୍ରଶଂସା କରିଛନ୍ତି।

ଆହୁରି ପଢ଼ନ୍ତୁ

ଆରୋଗ୍ୟ ହେଲେ ୧୭୮୫ କରୋନା ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ଗିରଫ ଲକ୍ଷ୍ମୀକାନ୍ତଙ୍କ ପରିବାରକୁ ଭେଟିଲା ବିଜେପି, ସରକାରୀ କାର୍ଯ୍ୟାନୁଷ୍ଠାନକୁ ନିନ୍ଦା

ସୁଶାନ୍ତଙ୍କ ମୃତ୍ୟୁ ମାମଲାର ଶୁଣାଣି ଗୁରୁବାରକୁ ଘୁଞ୍ଚିଲା, ରିୟା ରଖିଲେ ଏମିତି ପକ୍ଷ

ଭୁବନେଶ୍ୱରରୁ ୧୦୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୪୯ ଲୋକାଲ୍‌ କେସ୍‌

କରୋନାରେ ଆକ୍ରାନ୍ତ ରାହତ ଇନ୍ଦୋରୀଙ୍କ ପରଲୋକ

ବେହେରାସାହି ପରେ ଚିନ୍ତା ବଢ଼ାଇଲା ଜାଲୁଆ ସାହି

ଏହି ୧୦ ରାଜ୍ୟ କରୋନାକୁ ହରାଇ ପାରିଲେ ଭାରତ ଜିତିବ ବୋଲି କହିଲେ ମୋଦି

ପାରମ୍ପରିକ ଅସ୍ତ୍ରଶସ୍ତ୍ର ଧରି ଲୋକଙ୍କ ପ୍ରତିବାଦ

‘ମୋ ଭାଇର ଯଦି କିଛି ଭୁଲ ହୋଇଛି, ମୁଖ୍ୟମନ୍ତ୍ରୀ କ୍ଷମା କରି ଦିଅନ୍ତୁ’

ଡବଲ ମର୍ଡଲ; ବଡ଼ଭାଇ, ପୁତୁରାକୁ ମାରି ପାଇଖାନା ଟାଙ୍କିରେ ଫିଙ୍ଗିଦେଲେ

ଭାଇରାଲ ଅଡିଓ ମାମଲା; ରିମାଣ୍ଡରେ ଗଲେ ଲକ୍ଷ୍ମୀକାନ୍ତ, ବିଶ୍ୱଜିତ

୭ ଶିଳ୍ପୀଙ୍କୁ ଧର୍ମପଦ ସମ୍ମାନ, ଆଖି ବୁଜି ସାରିଲେଣି ୩ ଜଣ