ନୂଆଦିଲ୍ଲୀ: ବିସ୍ତାରବାଦୀ ନୀତିରେ ବିଶ୍ୱାସ ରଖିଥିବା ଚାଇନା ଏବେ ନୂଆ ଭେଳିକି ଦେଖାଇବା ଆରମ୍ଭ କରିଛି। ଭୁଟାନ ସୀମାର ୨ କିମି ଭିତରକୁ ପ୍ରବେଶ କରି ବେଜିଂ ପକ୍ଷରୁ ଗୋଟିଏ ଗାଁ ପ୍ରତିଷ୍ଠା କରାଯାଇଛି। ଗାଁ ପ୍ରତିଷ୍ଠା ହୋଇଥିବା ଅଞ୍ଚଳଟି ବିବାଦୀୟ ଡୋକଲାମ ନିକଟରେ ରହିଛି। ଭାରତ ଓ ଚାଇନା ମଧ୍ୟରେ ଡୋକଲାମର ଯେଉଁ ଅଞ୍ଚଳକୁ ଦୀର୍ଘ ୭୦ ଦିନ କାଳ ବିବାଦ ଲାଗି ରହିଥିଲା, ସେଠାରୁ ମାତ୍ର ୯ କିମି ଦୂରରେ ବେଜିଂ ଗାଁ ତିଆରି କରିଛି।
ଚାଇନା ଯେଉଁ ଅଞ୍ଚଳରେ ନୂଆ ଗାଁ ତିଆରି କରିଛି, ତା’ର ଫଟୋ ଚାଇନିଜ ଗଣମାଧ୍ୟମ ସିଜିଏନଟି ନ୍ୟୁଜରେ କାମ କରୁଥିବା ବରିଷ୍ଠ ସାମ୍ବାଦିକ ଶେନ ଶିୱେଇ ପୋଷ୍ଟ କରିଥିଲେ। ତେବେ କିଛି ସମୟ ପରେ ସେ ଏହାକୁ ଡିଲିଟ୍ କରି ଦେଇଥିଲେ।
1.This is an astounding tweet with clear evidence of a CHINESE LANDGRAB WITHIN BHUTANESE TERRITORY, app. 9km from the India-China faceoff site in Doklam. The map shown here by @shen_shiwei, a senior journalist with Chinese state media, indicates this village is 2 km inside Bhutan https://t.co/UdNtS309yM
— Vishnu Som (@VishnuNDTV) November 19, 2020
2. Let me make it more clear - comparing his map location (top image) with the actual ground position (bottom). pic.twitter.com/cH67wV4uyC
— Vishnu Som (@VishnuNDTV) November 19, 2020
3. For reference - the big red box is where the Doklam face off between India and China took place a few years ago. And the small box is where the village is located per @shen_shiwei pic.twitter.com/CzNqZlz4Lq
— Vishnu Som (@VishnuNDTV) November 19, 2020
4. And this is a zoomed out location - Sikkim to the west, China to the north and the location of the village to the east, well within Bhutan. pic.twitter.com/zS2alRArHc
— Vishnu Som (@VishnuNDTV) November 19, 2020
ହେଲେ ଭାରତର କିଛି ଜାତୀୟ ଗଣମାଧ୍ୟମ ନୂଆ ଗାଁ ପ୍ରତିଷ୍ଠା ହୋଇଥିବା ଅଞ୍ଚଳକୁ ମ୍ୟାପ୍ ଜରିଆରେ ଠାବ କରି ଖବର ପ୍ରକାଶ କରିଛନ୍ତି। ଚାଇନା ପକ୍ଷରୁ ଉକ୍ତ ଗାଁର ନାଁ ପାଙ୍ଗଡା ରଖାଯାଇଛି। ମ୍ୟାପ୍ରୁ ସ୍ପଷ୍ଟ ହୋଇଛି ଯେ ଏହି ଗାଁଟି ଭୁଟାନ ସୀମାର ୨ କିମି ପରିଧି ମଧ୍ୟରେ ରହିଛି।
ଏହାର ଅର୍ଥ ଚାଇନା ଜୋରଜବରଦସ୍ତି ଭୁଟାନରେ ପ୍ରବେଶ କରିଛି। ଭୁଟାନର ଅଖଣ୍ଡତାକୁ ସୁରକ୍ଷା ଦେବା ପାଇଁ ଭାରତ ସର୍ବଦା ପ୍ରତିଶ୍ରୁତିବଦ୍ଧ ହୋଇ ରହିଥିଲା। ଭାରତୀୟ ସେନେ ଅନେକ ସମୟରେ ଭୁଟାନ ସୀମାରେ ହେଉଥିବା ଅନୁପ୍ରବେଶକୁ ଅଟକାଇଛନ୍ତି। ହେଲେ ଏବେ ଚାଇନା ସବୁ କିଛି ଉଲ୍ଲଙ୍ଘନ କରି ଭୁଟାନ ସୀମାରେ ଗାଁ ତିଆରି କରିଛି। ଯାହା ଭାରତ ପାଇଁ ଚିନ୍ତାର ବିଷୟ ହୋଇଛି।
ଗୋଟିଏ ପଟେ ଭାରତ ଓ ଚାଇନା ଲଦାଖ ସୀମାରେ ମୁହାଁମୁହିଁ ହେଉଥିବା ବେଳେ ଏବେ ଭୁଟାନ ସୀମାରେ ବେଜିଂର ଅନୁପ୍ରବେଶ ନୂଆ ବିବାଦର ଆଭାସ ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
