ପୁଣି ଭାରତ ସୀମାରେ ପଶିଲା ଚୀନ୍‌ ସେନା

ନୂଆଦିଲ୍ଲୀ: ପୁଣିଥରେ ଦାଦାଗିରି ଦେଖାଇଛି ଚୀନ୍‌ ସେନା। ଅରୁଣାଚଳ ପ୍ରଦେଶ ଦେଇ ଭାରତୀୟ ସୀମାରେ ପ୍ରବେଶ କରି ଭାରତୀୟ ସେନାକୁ ଚ୍ୟାଲେଞ୍ଜ କରିଛି ଚୀନ୍‌ ସେନା। ପିଏଲ୍‌ଏର କିଛି ସୈନ୍ୟ ଏଭଳି କାର୍ଯ୍ୟ କରିଥିବା ଜଣାପଡ଼ିଛି।

ତେବେ ଭାରତୀୟ ସେନା ପକ୍ଷରୁ ଏଭଳି ସୀମା ଉଲ୍ଳଙ୍ଘନକୁ ଜୋରଦାର ବିରୋଧ କରାଯିବାରୁ ଚୀନ୍‌ ସେନା ସ୍ୱଦେଶ ଫେରିଯାଇଥିଲା। କିନ୍ତୁ ବାରମ୍ବାର ଚୀନ୍‌ ସେନାର ଏଭଳି ସୀମା ଉଲ୍ଲଙ୍ଘନ ନୂଆ ବିବାଦର ସଙ୍କେତ ଦେଇଛି।

ନ୍ୟୁଜ ଏଜେନ୍ସି ଏନ୍‌ଆଇଏ ସୂତ୍ରରୁ ମିଳିଥିବା ତଥ୍ୟ ଅନୁଯାୟୀ, ଅରୁଣାଚଳ ସେକ୍ଟର୍‌ଠାରେ ଥିବା ପ୍ରକୃତ ନିୟନ୍ତ୍ରଣ ରେଖା ଡେଇଁ ୧୦ ଦିନ ତଳେ ଚୀନ୍‌ ସେନା ଭାରତକୁ ପ୍ରବେଶ କରିଥିଲେ।

ତେବେ ଚୀନ୍ ସେନା ସେଠାରେ ପହଞ୍ଚି କିଛି ଅଘଟଣ ଘଟାଇବା ପୂର୍ବରୁ ଭାରତୀୟ ସେନା ପକ୍ଷରୁ ଏଭଳି ପ୍ରବେଶକୁ ବିରୋଧ କରାଯାଇଥିଲା।
ଚୀନ୍ ଯବାନମାନଙ୍କୁ ଭାରତ ପକ୍ଷରୁ ସ୍ୱଦେଶ ଚାଲିଯିବାକୁ କୁହାଯାଇଥିଲା। ଏଭଳି ନିର୍ଦ୍ଦେଶ ପାଇବାର କିଛି ସମୟରେ ପୁଣିଥରେ ପ୍ରକୃତ ନିୟନ୍ତ୍ରଣ ରେଖା ଡେଇଁ ଚୀନ୍ ସେନା ସ୍ୱଦେଶ ଫେରିଯାଇଥିଲେ।
ଗତବର୍ଷ ଡୋକଲାମ୍‌ ବିବାଦକୁ ନେଇ ଦୁଇ ଦେଶର ସେନା ମୁହାଁମୁହିଁ ହୋଇଥିଲେ। କୂଟନୀତିକ ହସ୍ତକ୍ଷେପ ପରେ ଏହି ବିବାଦର ସମାଧନ ହୋଇଥିଲା।

ଏହାପରେ ଚୀନ୍‌ ଓ ଭାରତ ମିଳିତ ଭାବେ ସୀମା ସୁରକ୍ଷା କରିବାକୁ ନିଷ୍ପତ୍ତି ନେଇଥିଲେ। କିନ୍ତୁ ଚୀନ୍‌ ସେନାର ଏଭଳି ବାରମ୍ବାର ଅନୁପ୍ରବେଶ ନୂଆ ବିବାଦକୁ ସୂତ୍ରପାତ କରିବାର ଆଭାସ ଦେଉଛି।

ଆହୁରି ପଢ଼ନ୍ତୁ

ସରକାରୀ ବାବୁଙ୍କ ଘରୁ ବାହାରିଲା ନଗଦ ୧.୧ କୋଟି ଟଙ୍କା

ଭାରତରେ କରୋନା ଟିକା ବଣ୍ଟନ ପାଇଁ ଯୋଜନା ଶେଷ, କେବଳ ବୈଜ୍ଞାନିକଙ୍କୁ ଅପେକ୍ଷା

ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୨୫ ଲକ୍ଷ ପାର, ଦିନକରେ ୯୯୬ ମୃତ

ବଦଳିବ କି ଝିଅଙ୍କ ସର୍ବନିମ୍ନ ବିବାହ ବୟସ? ପ୍ରଧାନମନ୍ତ୍ରୀ କ’ଣ କହିଲେ ଜାଣନ୍ତୁ

ଗୋଟେ ପାଦ, ମୁକ୍ତ ଚିନ୍ତା ଆଡ଼କୁ…

ଫଡନାଭିସଙ୍କୁ ବିଜେପିର ବିହାର ଦାୟିତ୍ୱ

ଜିଆଙ୍କ ମା’କୁ ମାରିଦେବେ ବୋଲି କହିଥିଲେ ମହେଶ ଭଟ୍ଟ

କମଳା ହାରିସଙ୍କୁ ଅମୂଲର ନିଆରା ଶୁଭେଚ୍ଛା

ସୁଶାନ୍ତଙ୍କ ମୃତ୍ୟୁ ମାମଲା: ଆଉ କିଛି ଲୋକଙ୍କ ବୟାନ ରେକର୍ଡ କଲା ସିବିଆଇ

ସୋନୁଙ୍କ ପାଇଁ ନୂଆ ଜୀବନ ପାଇବେ ୩୯ ଶିଶୁ

୬ ବର୍ଷର ଶିଶୁକନ୍ୟାକୁ ଅପହରଣ ପରେ ଦୁଷ୍କର୍ମ ଘଟଣାର ମୁଖ୍ୟ ଅଭିଯୁକ୍ତ ଗିରଫ

ଚୋରାଉଥିଲେ ସାନିଟାଇଜର, କ୍ୟାମେରା ଦେଖି କଲେ ଏମିତି କାମ