ଇନସପେକ୍ଟରଙ୍କୁ ଗୁଳି କରି ଜୀବନ ହାରିଲେ ସିଆରପିଏଫ ସବ ଇନସପେକ୍ଟର

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ଏକ ଅଭାବନୀୟ ଘଟଣା ଘଟିଛି। ସିଆରପିଏଫର ଜଣେ ସବ ଇନସପେକ୍ଟର ପ୍ରଥମେ ତାଙ୍କ ସହଯୋଗୀ ଇନସପେକ୍ଟରଙ୍କୁ ଗୁଳି କରିବା ପରେ ନିଜେ ମଧ୍ୟ ଆତ୍ମହତ୍ୟା କରିଛନ୍ତି। ଶୁକ୍ରବାର ଦିଲ୍ଲୀର ପୋଶ ଲୋଧି ଇଷ୍ଟେଟରେ ଘଟିଥିବା ଏହି ଘଟଣା ପୂରା ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି।

ସୂଚନା ଅନୁସାରେ, ୬୧ ଲୋଧି ଇଷ୍ଟେଟରେ ରହୁଥିବା ଇନସପେକ୍ଟର ଦଶ୍ରତ ସିଂହ ଓ ସବ ଇନସପେକ୍ଟର କର୍ଣ୍ଣନାଲି ସିଂହଙ୍କ ମଧ୍ୟରେ ଦୀର୍ଘ ଦିନରୁ ବିବାଦ ଲାଗି ରହିଥିଲା। ତେବେ ଶୁକ୍ରବାର ଏହି ବିବାଦ ଚରମ ସୀମାରେ ପହଞ୍ଚିଥିଲା। ଏଥିରେ ଉତକ୍ଷିପ୍ତ ହୋଇ କର୍ଣ୍ଣନାଲି ଇନସପେକ୍ଟର ଦଶ୍ରତଙ୍କୁ ଗୁଳି କରି ଦେଇଥିଲେ।

ଏହାପରେ ସେ ନିଜେ ମଧ୍ୟ ଗୁଳି ଚଳାଇ ଆତ୍ମହତ୍ୟା କରିଛନ୍ତି। ଗୁଳି ଶବ୍ଦ ଶୁଣି ଅନ୍ୟ ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ହେଲେ ସେତେବେଳକୁ ଉଭୟ ରକ୍ତ ଜୁଡୁବୁଡ଼ୁ ଅବସ୍ଥାରେ ନିସ୍ତେଜ ହୋଇ ତଳେ ପଡ଼ି ରହିଥିଲେ। ସେମାନଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଥିଲା। ହେଲେ ସେଠାରେ ଉଭୟଙ୍କୁ ଡାକ୍ତର ମୃତ ଘୋଷଣା କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।